СМІ: У Судане адбыўся вайсковы пераварот. Амар аль-Башыр, што кіраваў краінай 25 гадоў, зрынуты
Армія Судана здзейсніла ў краіне пераварот. Пра гэта паведамляе арабскі тэлеканал «Аль-Маядзін».
Вайскоўцы вырашылі зняць з усіх пасадаў прэзідэнта Амара аль-Башыра і разагнаць урад. Ваенны савет рыхтуецца ўзяць уладу ў краіне тэрмінам на год.
Прэзідэнцкі палац акружаны салдатамі і бранятэхнікай. Таксама ваенныя захапілі дзяржаўнае тэлебачанне і радыё Судана, каля 06:00 прыпынілі вяшчанне. У эфіры гучыць патрыятычная музыка.
Тэлеканал Al Hadath пазней паведаміў, што прэзідэнт аль-Башыр арыштаваны.
Зараз на вуліцах сталіцы знаходзіцца вялікая колькасць вайскоўцаў, група вайскоўцаў увайшла ў будынак дзяржтэлерадыёкампаніі ў другім па велічыні горадзе Судана Амдурмане. Па дадзеных Al-Hadath, камандаванне рыхтуецца зрабіць важную заяву ў эфіры, яе абяцаюць распаўсюдзіць у найбліжэйшы час.
Сталічны аэрапорт закрыты, арыштаваны экс-міністр абароны краіны, дзейны губернатар правінцыі Хартум Абдэль Рахім Махамед Хусейн. Ёсць звесткі аб арышце аховы прэзідэнта і былога віцэ-прэзідэнта краіны Алі Асман Таха.
مظاهر فرح الشعب السوداني ابتهاجاً بانتهاء حكم البشير pic.twitter.com/m2ci0hQQ6O
У канцы снежня мінулага года ў Судане пачаліся масавыя пратэсты, першапачаткова мітынгоўцы дамагаліся зніжэння цэнаў на хлеб. Пасля актывісты сталі патрабаваць адстаўкі прэзідэнта краіны Амара аль-Башыра, які знаходзіцца ва ўладзе з 1993 года. У сярэдзіне лютага кіраўнік дзяржавы распусціў Кабмін і ўвёў у краіне рэжым надзвычайнага становішча на год.
Цяпер чытаюць
Каханак Анжалікі Мельнікавай — агент беларускіх спецслужбаў з пашпартам прыкрыцця32
Каментары