Kandydat u prezidenty Ukrainy Uładzimir Zialenski zajaviŭ, što nie pajechaŭ zdavać analizy na narkotyki na NSK «Alimpijski» tamu, što jon nibyta atrymaŭ sakretnuju infarmacyju ab padrychtoŭcy tam suprać jaho pravakacyi. Ale za miažoj jon analizy zdaŭ by, piša «Ukrainskaja praŭda».
Pra heta jon zajaviŭ u intervju, apublikavanym na kanale Naviny Ukrainy ŭ YouTube
«Kali-niebudź, paśla ŭsich hetych vybaraŭ, na śviet praljecca infarmacyja, jak na NSK «Alimpijski» chtości rychtavaŭ suprać mianie pravakacyju. Ja tudy nie pajechaŭ. Zaraz ja nie hatovy pra heta kazać», — zajaviŭ Zialenski.
«Ja nie chacieŭ jechać na NSK pa pryčynie vielmi prostaj: ja nie viedaŭ, što tam buduć rabić z maimi analizami potym», — zajaviŭ jon, dadaŭšy, što heta źviazana z toj sakretnaj infarmacyjaj, pra jakuju jon kazaŭ.
Zialenski zdaŭ analizy ŭ pryvatnaj miedycynskaj klinicy.
Zialenski vyklikaŭ Parašenku na debaty paśla pieršaha tura vybaraŭ, u jakim zaniaŭ pieršaje miesca. Lidar hałasavańnia pryznačyŭ Parašenku ŭmovy: debaty pavinny prajści na najbujniejšaj spartyŭnaj arenie Ukrainy, ich tranślacyja pavinna iści ŭžyvuju. Akramia taho, udzielniki pavinny buduć zdać testy na ałkahol i narkotyki.
5 krasavika Zialenski i Parašenka zdali analizy. Papiaredniaje daśledavańnie pakazała, što ŭ ich mačy i kryvi ślady narkatyčnych rečyvaŭ adsutničajuć.
Kamientary