Za kuplu rasijskich zienitna-rakietnych kompleksaŭ C-400 Turcyju nie prosta krytykujuć, a faktyčna źbivajuć, ličyć Alaksandr Łukašenka. Takoje mierkavańnie jon vykazaŭ u intervju ahienctvu «Anadołu» napiaredadni svajho vizitu ŭ Turcyju.
«Amierykancam nie padabajecca vaša pazicyja. Vy zakupili ŭ Rasii abarončuju zbroju, jakuju vam vielmi treba i jakaja tańniejšaja. Vas taksama za heta ŭžo nie krytykujuć, a sprabujuć pabivać. Za lubuju palityku niezaležnaści Ankaru pačynajuć krytykavać, napadać na Turcyju», - skazaŭ Łukašenka.
Na jaho dumku, heta śviedčyć pra toje, što Turcyja zajmaje pravilnuju pazicyju z punktu hledžańnia abarony svaich nacyjanalnych intaresaŭ. «Jak tolki vašyja kankurenty, a moža, i supierniki, pačynajuć vas krytykavać, viedajcie, što vy robicie pravilna, choć jany nie praciŭniki vam, vy ŭ adnym «płuhu» »NATA», — adznačyŭ kiraŭnik Biełarusi, padkreśliŭšy, što ŭ hetym jon padtrymlivaje Redžepa Taipa Erdahana.
Kamientary