Eks-lidar AHP Anatol Labiedźka zapisaŭ videazvarot da Alaksandra Łukašenki, u jakim daŭ tamu 24 hadziny.
Što choča Labiedźka?
«U lipieni budzie 25 hod vašaha kiravańnia, čas padvieści rysu. Ja chaču zadać pytańni, na jakija vy nikoli nie dajecie adkazaŭ, ja zaprašaju vas u žyvym efiry adkazać na 25 pytańniaŭ. Ich zadaduć vam ludzi, hramadzianie, padatkapłacielščyki. Pytańniaŭ buduć tysiačy, ale my adbiarem 25 samych aktualnych. U vas 24 hadziny, kab adkazać na hetuju prapanovu. Čas pajšoŭ! I heta nie ŭltymatum, heta narodny dedłajn», — skazaŭ u kadry Labiedźka.
Jon prapanuje ludziam pisać svaje pytańni da Łukašenki ŭ sacyjalnyja sietki pad teham #dzieadkaz.
Zvarot Labiedźki nahadvaje stylistykaj zvarot Zialenskaha da Parašenki, u jakim šoŭmen vyklikaje prezidenta na debaty.
Što budzie, kali Łukašenka nie pahodzicca, Labiedźka ŭ videa nie ŭdakładniŭ. Spytać heta asabista pakul taksama mahčymaści niama — telefon palityka niedasiažny.
Pavodle krynic Našaj Nivy, Hanna Kanapackaja źviernie ŭvahu Łukašenki na videa padčas zvarotu ŭ piatnicu, kali toj nie adreahuje na «ŭltymatum».
***
Paźniej my źviazalisia z Hannaj Kanapackaj.
Jak kaža Kanapackaja, pra hetaje videa jana daviedałasia z hetaha artykuła.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary