«Kamvolščyk» na kožny dzień i praciah pieramožnych sieryj. Čaho čakać ad nastupnaha tura čempijanatu pa futbole
Razam z Bukmiekierskaj kantoraj Marafon my praciahvajem sačyć za vyšejšaj lihaj, jakaja pastupova nabiraje abaroty.
Paśla troch turaŭ užo možna zrabić niekatoryja vysnovy.
Pa-pieršaje, bresckaje «Dynama» zdabyło try pieramohi, u tym liku nad BATE ŭ Barysavie i «Tarpieda-BiełAZ» u Žodzinie, nabraŭšy maksimum turnirnych bałaŭ. Takim ža vynikam moža pachvalicca tolki «Šachcior», ale salihorcy hulali z kudy słabiejšymi supiernikami.
Pa-druhoje, čakana badziora startavała «Isłač» i niečakana badziora pačaŭ čempijanat «Homiel». U abiedźviuch kamand u aktyvie dźvie pieramohi, za hamielčukami taksama najbolšaja kolkaść zabitych miačoŭ i pieršyja dźvie pazicyi ŭ śpisie bambardziraŭ «vyški». Jość adčuvańnie, što kali zapał «bieła-zialonych» moža chutka zhasnuć, to kłubu ź Minskaha rajona pa siłach stabilna prajści ŭsio pieršynstvo.
Pa-treciaje, zabuksavali mocnyja «Nioman» i «Viciebsk». Paśla bahataj na hały pieramohi ŭ pieršym tury haradziency ŭsuchuju prajhrali nastupnyja dźvie hulni. U «Viciebska» ž naohuł try ničyje paśla troch matčaŭ, u dvuch ź jakich kamanda Siarhieja Jasinskaha nie zmahła strymać pieramožny lik.
Pa-čaćviortaje, aformiłasia koła aŭtsajdaraŭ. «Enierhietyk-BDU» tak i nie staŭ kamandaj-siensacyjaj — 0 hałoŭ i ŭsiaho adzin turnirny bał. Horšaja statystyka tolki ŭ «Dniapra», u jakoha naohuł — «abaranka». U koła łuzieraŭ taksama trapili «Słuck» i «Haradzieja», ale, zdajecca, heta časovaja situacyja.
Ciapier bolš padrabiazna pra matčy nastupnaha tura vyšejšaj lihi.
«Minsk» — «Dniapro»
- 19.04, 18:45. Stadyjon FK «Minsk»
- Kaeficyjenty: «Minsk» (pieramoha) — 2.19; ničyja — 3.10; «Dniapro» (pieramoha) — 3.45
Turnirnaja situacyja «Minska» adpaviednaja vyšej zhadanamu «Viciebsku», ale kamandzie Andreja Razina try hulni biez parazaŭ možna zanieści ŭ aktyŭ.
Napieradzie — matč suprać «Dniapra», u jakim «haradžanie» mohuć narešcie zdabyć pieršuju pieramohu. Takija ž płany ŭ pryncypie i ŭ mahiloŭskaj kamandy, tamu favaryta vyznačyć davoli składana.
Prahnoz «NN»: totał mienšy za 2.5.
«Nioman» — «Viciebsk»
- 19.04, 20:45. Hrodna, CSK «Nioman»
- Kaeficyjenty: «Nioman» (pieramoha) — 2.76; ničyja — 3.15; «Viciebsk» (pieramoha) — 2.57
Cikavy dysanans: pierad apošniaj sustrečaj hetych kamand u minułym siezonie «Viciebsk» zajmaŭ treci radok tablicy, a «Nioman» dzialiŭ šosty.
Pierad piatničnaj hulnioj abiedźvie znachodziacca ŭ druhoj pałovie tablicy i čakajuć mahčymaści papravić turnirnaje stanovišča.
Letam 2018-ha «Viciebsk» doma razhramiŭ «Nioman» ź likam 5:1. Ihar Kavalevič, viadoma, musić pamiatać pra heta i nie budzie suprać revanšu.
Čakajem jarkaj i bahataj na hały hulni.
Prahnoz «NN»: totał bolšy za 2.5.
«Słavija» — BATE
- 20.04, 15:00. Mazyr, stadyjon «Junactva»
Mazyrčuki pieramahli «Dniapro» i ŭ statusie sieradniakoŭ padychodziać da vyprabavańnia barysaŭskim BATE.
Barysaŭcy sastupili bresckamu «Dynama», nie skarystaŭšysia jak minimum dźviuma stapracentnymi momantami. Zabi Anton Saroka — i nastroj pierad hulnioj sa «Słavijaj» moh być zusim inšym.
Prahnoz «NN»: pieramoha BATE.
«Tarpieda-Minsk» — «Dynama-Minsk»
- 20.04, 17:00. Stadyjon FK «Minsk»
Minskija «dynamaŭcy» pry vielmi blakłaj hulni zdoleli zarabić 7 z 9 mahčymych turnirnych bałaŭ. Taksama varta adznačyć biezdakornuju abarončuju liniju kamandy Ramana Pilipčuka i hulniu bramnika Maksima Płotnikava, jakija zachoŭvajuć varoty na zamku.
«Aŭtazavodcy» vyratavali hulniu z «Viciebskam», zraŭniaŭšy lik u dadany arbitram čas. Paśla troch turaŭ u aktyvie «Tarpieda» 4 turnirnyja bały, što možna razhladać jak paśpiachovy start čempijanatu.
Prahnoz «NN»: totał mienšy za 2.5.
«Haradzieja» — «Tarpieda-BiełAZ»
- 20.04, 19:00. Haradzieja, stadyjon «Haradzieja»
Paśla minskaha derbi adbudziecca hulnia kamand, jakija niaŭdała startavali ŭ vyšejšaj lizie.
«Tarpiedaŭcy» ŭ minułym tury nie ŭtrymali pieramohu nad «Minskam», a kamanda z Haradziei nie zmahła dacisnuć minskaje «Dynama», chacia mieła niebłahija šancy.
Jość adčuvańnie, što heta budzie bahaty na hały i halavyja momanty matč. Abiedźvium kamandam treba pieramahać.
Prahnoz «NN»: totał bolšy za 2.5.
«Słuck» — «Isłač»
- 21.04, 15:00. Słuck, stadyjon Słuckaha dziaržaŭnaha kaledža
Viadoma, paśla zvyšniaŭdałaha startu ad «Słucka» varta było čakać pieramienaŭ. I jany adbylisia — nastupny tur projdzie nie na pabitym hazonie «Haradskoha», a na sintetycy reziervnaha pola słuččakoŭ, jakoje narešcie dapuścili da praviadzieńnia matčaŭ vyšejšaj lihi.
Mahčyma, heta dapamoža pierałamić jak 12-matčavuju sieryju bieź pieramoh u vyšejšaj lizie, tak i niaŭdały dośvied chatnich matčaŭ suprać «Isłačy». Ale vierycca słaba.
Prahnoz «NN»: pieramoha «Isłačy».
«Enierhietyk-BDU» — «Dynama-Brest»
- 21.04, 17:00. Stadyjon FK «Minsk»
Sa stadyjonam na vulicy Majakoŭskaha ŭ zaŭziataraŭ i hulcoŭ «Dynama» źviazanyja pryjemnyja ŭspaminy — na im ichniaja kamanda ŭ sakaviku zdabyła Supierkubak.
Ź vialikaj vierahodnaściu dobryja emocyi zastanucca i paśla sustrečy sa «studentami» — roźnica ŭ kłasie musić dapamahčy praciahnuć pieramožnuju sieryju.
Prahnoz «NN»: pieramoha «Dynama».
«Homiel» — «Šachcior»
- 21.04, 19:45. Homiel, stadyjon «Centralny»
I ŭ jakaści «hvazda tura» — sustreča dziorzkaha sioleta «Homiela» i stabilnaha «Šachciora». Salihorcy nie mohuć pachvalicca takoj kolkaściu zabitych miačoŭ, ale ŭ čempijanacie «Šachcior» jašče nie prapuskaŭ.
Apošni raz homielskaja kamanda pieramahała salihorskuju piać hadoŭ tamu. Ci atrymajecca pierałamić niaŭdałuju sieryju?
Prahnoz «NN»: totał mienšy za 2.5.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary