Jakija pytańni zadali Łukašenku apazicyjnyja deputatki Alena Anisim i Hanna Kanapackaja?
Abiedźvie apazicyjnyja deputatki Pałaty pradstaŭnikoŭ atrymali mahčymaść zadać pytańnie Alaksandru Łukašenku. Što jany zapytalisia?
Alena Anisim: Pavažany Alaksandr Ryhoravič, u hetym hodzie my adznačali 100-hodździe BSSR. Heta vielmi važnaja padzieja, data ŭ našaj biełaruskaj dziaržaŭnaści. Miž tym, u našaj stalicy niama pomnikaŭ pieršym dziaržaŭnym dziejačam BSSR. Ni Alaksandru Čarviakovu, ni Źmicieru Žyłunoviču (Cišku Hartnamu), ni pieršamu prezidentu Akademii navuk Biełarusi Usievaładu Ihnatoŭskamu. Jak vy ličycie, moža być, varta źviarnuć na heta ŭvahu i ŭstalavać takija pomniki ŭ našaj stalicy?
Hanna Kanapackaja: Alaksandr Ryhoravič, praciahvajučy temu atamnaj elektrastancyi, jakuju buduje Respublika Biełaruś, ja b chacieła źviarnuć vašu ŭvahu, što, pa słovach pasła Rasijskaj Fiederacyi, rasijski bok źniziŭ na 3 miljardy dalaraŭ košt BiełAES. I kaža pra canu elektryčnaści ŭ rajonie 4 centaŭ. Ja b chacieła ŭdakładnić u vas, ci isnujuć niejkija pryncypovyja raznahałośsi pamiž biełaruskim i rasijskim bokam pry budaŭnictvie atamnaj stancyi? I ŭsio ž, moža, vy možacie skazać prahnazujemuju canu dla nasielnictva i dla pradpryjemstvaŭ?
(pierabivajučy Michaiła Miaśnikoviča, jaki chacieŭ pieradać mikrafon inšamu) U mianie jašče jość šerah pytańniaŭ. Vy pastavili dakładnuju zadaču naraścić VUP Biełarusi ŭ pamiery 100 miljardaŭ dalaraŭ. Adnak uradam praktyčna ničoha nie pradprymajecca dla realizacyi hetaj zadačy. Nie vyklučany kanflikt intaresaŭ, zachoŭvajecca dyrektyŭnaje kiravańnie ekanomikaj, niama prytoku inviestycyj, u tym liku prablema z pryciahnieńniem pramych zamiežnych inviestycyj. Niahledziačy na pryniaćcie Dekreta №7, mieniej za 9% biznesu ličać, što ŭmovy viadzieńnia biznesu palepšyłasia. Ja b chacieła spytać u vas, na jakija pryncypova novyja reformy vy siońnia hatovyja pajści dla dasiahnieńnia hetaj zadačy?
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja14
Kamientary