Situacyja ź jakaściu nafty ŭ trubapravodzie «Družba» pavinna narmalizavacca da paniadziełka-aŭtorka, paviedamiŭ Ria.ru daradca prezidenta «Transnafty» Ihar Dziomin.
Biełaruski kancern «Biełnaftachim» u piatnicu paviedamiŭ, što ŭ apošnija niekalki dzion rezka pahoršyłasia jakaść rasijskaj ekspartnaj sumiesi Urals, jakaja pastupaje tranzitam na ŭčastak mahistralnaha naftapravoda «Homieltransnafta Družba». U «Biełnaftachimie» ŭdakładnili, što pa trubie «pastupaje nafta z utrymańniem chłorarhaničnych złučeńniaŭ, jakija pieravyšajuć u dziasiatki razoŭ hraničnyja značeńni pa standartu».
Čytajcie: «Biełnaftachim» zajaŭlaje pra rezkaje paharšeńnie jakaści rasijskaj nafty
«Kiraŭnictva i supracoŭniki kampanii znachodziacca ŭ pastajannym kantakcie ź śpiecyjalistami «Homieltransnafta Družby», kiraŭnictvam kancerna «Biełnaftachim» i naftapierapracoŭčymi zavodami Biełarusi. My hatovyja sustrakacca z našymi biełaruskimi kalehami, kab abmierkavać situacyju. Kampanija štosutačna manitoryć pakazčyki pa najaŭnaści arhaničnych chłarydaŭ, a taksama pravodzić analiz arbitražnych probaŭ na pradmiet vyznačeńnia krynicy «zabrudžvańnia», — paviedamiŭ Dziomin.
«Pa našych prahnozach, situacyja ź jakaściu pavinna narmalizavacca da paniadziełka-aŭtorka nastupnaha tydnia», — dadaŭ daradca prezidenta «Transnafty».
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary