Kancern «Biełnaftachim» zajaŭlaje pra rezkaje paharšeńnie jakaści nafty, što pastupaje naftapravodam z Rasii, paviedamiła karespandentu BiełTA pres-sakratarka kancerna Maryna Kaściučenka.
«Na praciahu apošnich niekalkich dzion adbyłosia rezkaje paharšeńnie jakaści rasijskaj ekspartnaj sumiesi Urals, jakaja pastupaje tranzitam va ŭčastak mahistralnaha naftapravoda AAT «Homieltransnafta Družba». Pa naftapravodzie z Rasijskaj Fiederacyi pastupaje nafta z najaŭnaściu chłorarhaničnych złučeńniaŭ, jakija pieravyšajuć u dziasiatki razoŭ hraničnyja značeńni pa standarcie», — paviedamiła Maryna Kaściučenka.
Adbor uzoraŭ nafty, vykanańnie vyprabavańniaŭ i afarmleńnie pašparta jakaści łabaratoryi AAT «Homieltransnafta Družba» adbyvałasia ŭ prysutnaści pradstaŭnika «Transnafta» ŭ Biełarusi.
Pierapracoŭka nafty takoj jakaści moža pryvieści da parušeńnia technałahičnych režymaŭ pracy NPZ. Ciapier prymajucca apieratyŭnyja miery pa minimizacyi nastupstvaŭ pierapracoŭki nafty, jakaja nie adpaviadaje standartu, i zabieśpiačeńni ŭnutranaha rynku naftapraduktami. Śpiecyjalistami kancerna aceńvajecca ŭzrovień strat ad paharšeńnia jakaści nafty», — skazała pres-sakratarka «Biełnaftachima».
AAT «Homieltransnafta Družba» prainfarmavała ab situacyi, jakaja skłałasia, apierataraŭ mahistralnaha naftapravoda «Družba» ź inšych krain. Biełaruski bok zaprasiŭ aficyjnuju sustreču z pradstaŭnikami «Transnafta» dla ŭrehulavańnia situacyi.
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary