Charčovy ekarynak płoščaj 20 tysiač kvadratnych mietraŭ płanujecca pabudavać na vyjeździe ź Minska pa Łahojskim trakcie ŭ 2019 hodzie. Pra heta zajaviŭ staršynia Minabłvykankama Anatol Isačanka, paviedamlaje BiełTA.
«Abjekt byŭ u liku niedabudavanych kala 10 hadoŭ. Paśla Novaha hoda my prystupili da budaŭnictva, prosta da hetaha my nie afišavali pracy. Siońnia vyjšli na ścieny: robim fasad, dobraŭparadkavańnie. Sietki — haz, vada, kanalizacyja, enierhietyka — užo jość. Fasad i dobraŭparadkavańnie płanujem zaviaršyć da kanca traŭnia, sam abjekt — u hetym hodzie. Budziem staracca heta zrabić, usio nieabchodnaje ŭ nas jość», — adznačyŭ Anatol Isačanka.
Płanujecca zrabić parkoŭki, stvaryć zabaŭlalnyja placoŭki dla dziaciej. Adkryjecca łabaratoryja, jakaja budzie siertyfikavać pradukcyju.
Svaju pradukcyju na rynku pradstaviać fiermiery i bujnyja vytvorcy Minskaj vobłaści. Hałoŭnyja patrabavańni — nizkaja cana i vysokaja jakaść. «Možna budzie pradavać toje, što vyraściŭ na aharodzie, u poli ci na padvorku», — skazaŭ jon.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary