Turkmienistan źmianiŭ palityku pryznańnia dypłomaŭ: vyhladaje, što turkmieny zmohuć vučycca tolki ŭ BDU
Turkmienskaja słužba «Radyjo Svaboda» sa spasyłkaj na ŭłasnyja krynicy paviedamiła ab tym, što Ministerstva adukacyi Turkmienistana vyznačyła śpis univiersitetaŭ, dypłomy jakich buduć pryznavacca.
Biełaruskaja VNU ŭ hetym śpisie tolki adna — Biełaruski dziaržaŭny ŭniviersitet.
Vydańnie ŭdakładniaje, što na praktycy heta budzie realizavana takim čynam — tolki studentam, jakija vučacca ŭ «aficyjnym» univiersitecie, baćki zmohuć vysyłać hrošy. U Turkmienistanie z hetym stroha — valutu prosta tak nie kupiš i z krainy nie vyviedzieš.
Dla biełaruskaj sistemy adukacyi rašeńnie turkmienskich uładaŭ moža vyhladać prablemaj, kali hladzieć na heta vyklučna prahmatyčna — usio ž, turkmieny płacili hrošy. I hrošy bolšyja, čym biełarusy.
Devalvavańnie adukacyjnaha pracesu, jakoje adbyvajecca z pryjezdam zamiežnych studentaŭ, što nie razmaŭlajuć ni na adnoj ź dziaržaŭnych movaŭ Biełarusi, pakul pakiniem u baku.
U hetym (2018/2019) navučalnym hodzie va ŭniviersitetach krainy vučycca 7 749 turmienskich studentaŭ. I tolki častka ź ich — u BDU.
Jak na taki zakidon turkmienskich uładaŭ buduć reahavać biełaruskija ŭniviersitety?
Na hetaje pytańnie «Našaj Nivy» u Ministerstvie adukacyi nie adkazali, paćvierdziŭšy što takaja pastanova turkmienaŭ sapraŭdy isnuje.
Va ŭniviersitetach taksama pakul nie viedajuć, jak reahavać na turkmienskaje novaŭviadzieńnie.
U pryvatnaści, u Biełaruskim dziaržaŭnym piedahahičnym univiersiteta, dzie tradycyjna vučycca šmat turkmienaŭ, adkazajuć, što pakul tolki vyvučajuć novyja realii.
«Sapraŭdy, my atrymali infarmacyju, što źmianiłasia pałažeńnie ab pryznańni dypłomaŭ i śpisu śpiecyjalnaściaŭ. Tut vialiki śpis. My jaho vyvučajem», — adkazała pieršy prarektar BDPU Śviatłana Kopcieva.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary