Rasija dumaje pra toje, kab u budučyni vydavać hramadzianam Ukrainy rasijskaje hramadzianstva ŭ sproščanym paradku, zajaviŭ prezident Rasii Uładzimir Pucin.
«My ž nie tolki ludziam, jakija pražyvajuć u «ŁNR» abo «DNR», dali taki sposab atrymańnia našaha hramadzianstva. My naohuł dumajem pra toje, kab nadavać u sproščanym paradku hramadzianam Ukrainy naša hramadzianstva», — pryvodzić RIA Novosti vykazvańnie Pucina ŭ chodzie pres-kanfierencyi pa vynikach vizitu ŭ Piekin.
Na hetym tydni, 24 krasavika, Pucin padpisaŭ ukaz ab sproščanym atrymańni rasijskich pašpartoŭ žycharami asobnych rajonaŭ Danieckaj i Łuhanskaj abłaściej Ukrainy. Zajavy žycharoŭ «ŁNR» i «DNR» pavinny razhladacca nie daŭžej za try miesiacy, ukaz ŭstupiŭ u siłu z momantu apublikavańnia.
Na pres-kanfierencyi prezident Rasii adznačyŭ, što hetaje rašeńnie nie było spantannym. «Jano nie prymałasia z naskoku. Pierš čym padpisać hety ŭkaz, my ŭsio paličyli: i kolkaść mahčymych pretendentaŭ na našy pašparty, i kolkaść piensijanieraŭ z hetaha liku — heta prykładna adna tracina z taho kantynhientu, jaki, jak my miarkujem, moža pretendavać na naša hramadzianstva», — rastłumačyŭ jon.
Vydatki na vydaču pašpartoŭ žycharam «DNR» i «ŁNR» Pucin acaniŭ u sto miljardaŭ rasijskich rubloŭ na praciahu niekalkich hadoŭ. Pavodle jaho słoŭ, heta nie stanie niečym krytyčnym dla rasijskaha biudžetu. Pry hetym žychary «ŁNR» i «DNR» atrymajuć rasijskija piensii tolki pry pierajeździe ŭ Rasiju.
Ukaz Pucina vyklikaŭ rezkuju reakcyju ŭkrainskich uładaŭ.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary