Kiraŭnik Biełarusi Alaksandr Łukašenka, jak i jahonyja syny, a taksama inšyja top-čynoŭniki, nie načapili na svaje pinžaki stužku «jabłynievy ćviet». Hety biełaruski anałah hieorhijeŭskaj stužki niekalki hadoŭ tamu byŭ prapanavany BRSM i atrymaŭ padtrymku siarod kiraŭnictva krainy.
Jabłynievy ćviet daminavaŭ siarod tych ludziej, jakija znachodzilisia ŭ natoŭpie na płoščy Pieramohi. Niekatoryja skarystalisia hieorhijeŭskaj stužkaj, asabliva tyja, chto išoŭ na akcyju «Nieśmiarotny połk».
Alaksandr Łukašenka vyjšaŭ da ludziej z čyrvona-zialonaj stužkaj, jakaja była zamacavanaja imitacyjaj niejkaha ordena. Chutčej za ŭsio, heta «Pieramoha» — adzin z samych hanarovych ordenaŭ, jakija ŭručalisia ŭ SSSR. Atrymlivali orden «Pieramoha» tolki asoby vyšejšaha kamandnaha składu Čyrvonaj Armii.
Dvojčy orden «Pieramoha» atrymaŭ Iosif Stalin, mieli jaho maršały Žukaŭ, Rakasoŭski, Vasileŭski, hienierały Konieŭ, Malinoŭski, Tałbuchin i inšyja. Ahułam za čas vajny «Pieramohu» atrymali 10 čałaviek.
Užo ŭ mirny čas «Pieramohu» ŭručyli hienierału Duajtu Ejzienchaŭeru, fieldmaršału Biernardu Manthomiery, karalu Rumynii Michaju, maršału Polščy Michału Rala-Žymierskamu i kiraŭniku Juhasłavii Iosifu Broz Cita.
U 1978 hodzie ordenam «Pieramoha» byŭ uznaharodžany tahačasny kiraŭnik SSSR Leanid Brežnieŭ. Praŭda, u 1989 hodzie zahad pra jaho ŭhanaravańnie byŭ admienieny. Ahułam orden «Pieramoha» mieli 16 čałaviek.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary