Kitajski miesiacachod vyjaviŭ niezvyčajnyja minierały na spadarožniku Ziamli. Jany dapamohuć raskryć sakret stvareńnia Miesiaca
Kitajski miesiacachod «Jujtu-2» («Niefrytavy zajac-2»), pieršy ŭ śviecie miesiacachod, jaki ździejśniŭ miakkuju pasadku na advarotnym baku Miesiaca, atrymaŭ danyja pra miesiacovy hrunt, jakija dapamohuć praanalizavać skład mantyi Miesiaca, a taksama razhadać sakret stvareńnia i evalucyi Miesiaca i Ziamli, piša «Sińchua».
Hrupa daślednikaŭ na čale ź Li Čuńłajem ź Dziaržaŭnaj astranamičnaj absiervatoryi pry Akademii navuk Kitaja vyvučyła danyja, atrymanyja ustalavanymi na «Jujtu-2» śpiektromietrami dla vymiareńnia ŭ bačnaj i blizkaj infračyrvonaj abłaściach śpiektra. Navukoŭcy vyjavili, što hrunt u zonie pryziamleńnia zonda «Čan'e-4» źmiaščaje alivin i piraksien, jakija, jak jany ličać, pastupili z mantyi ŭ hłybini spadarožnika Ziamli.
Paśla taho jak zond «Čan'e-4» paśpiachova pryziamliŭsia ŭ kratary Fon Karmana ŭ basiejnie Paŭdniovaha polusa Ajtkien na advarotnym baku Miesiaca 3 studzienia hetaha hoda, miesiacachod «Jujtu-2» pieradaŭ na Ziamlu śpiektralnyja danyja dobraj jakaści z dvuch učastkaŭ pavierchni Miesiaca.
«Hetyja danyja, u adroźnieńnie ad danych, atrymanych jaho papiarednikam na blizkim baku Miesiaca, pryjemna nas ździvili», — skazaŭ Li Čuńłaj.
Pavodle jaho słoŭ, na asnovie atrymanych danych daśledčyki vyjavili, što miesiacovy hrunt źmiaščaje vialikuju kolkaść alivina i piraksienu ź nizkaj kolkaściu kalcyju, a taksama nievialiki abjom piraksienu z vysokaj kolkaściu kalcyju. Hetyja elemienty, jak miarkujuć navukoŭcy, chutčej za ŭsio, pastupili ź miesiacovaj mantyi.
Vyniki daśledavańnia byli apublikavanyja ŭ apošnim numary Nature.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary