Sabaku, jaki pakusaŭ dziaciej u Hrodnie, usypili. Tak vyrašyŭ haspadar
Sabaka na šalenstva nie chvareŭ, adnak haspadar vyrašyŭ pazbavicca ad niebiaśpiečnaj žyvioły, piša Tut.by.
Nahadajem, staf pieršy raz napaŭ u studzieni na pieršakłaśnika, a 2 červienia pakusaŭ dziaŭčynku. Susiedzi haspadara kazali, što sabaka ŭvieś čas pavodziŭ siabie ahresiŭna, napadaŭ na inšych čatyrochnohich na placoŭcy dla vyhułu, dziaciej u dvary. Ludzi źbirali podpisy pad zvarotam ab kanfiskacyi žyvioły. Baćki paciarpiełych dziaciej pisali zajavy ŭ milicyju i chadzili na pryjom da miascovaha deputata, kab toj padniaŭ pytańnie ab praviłach utrymańnia bajcovych parod.
— Sabaka 10 dzion znachodziŭsia pad nahladam. Na šalenstva jon nie chvareŭ, adnak haspadar pryniaŭ rašeńnie ab eŭtanazii, tak jak žyvioła vyjaŭlała ahresiju da ludziej. Ź inšymi žyviołami sabaka pavodziŭ siabie narmalna, — raspaviali ŭ Hrodzienskaj haradskoj vieterynarnaj stancyi.
Susiedzi haspadara sabaki raspaviali, što heta ŭžo druhi jaho hadavaniec, jakoha ŭsyplaje — papiaredni sabaka, taksama parody stafardšyrski terjer, taksama byŭ ahresiŭny.
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary