Deputat Pałaty pradstaŭnikoŭ, člen pastajannaj kamisii pa adukacyi, kultury i navucy Aksana Niachajčyk na «Radyjo-Minsk» prakamientavała pryniaćcie parłamientam papravak ab źmiakčeńni pakarańnia za niezakonny abarot narkotykaŭ.
13 červienia parłamientaryi pryniali papraŭki ŭ art. 328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ). Prapanujecca źmienšyć nižniuju miažu pakarańnia ź piaci da troch hadoŭ pazbaŭleńnia voli pa č. 2 i z vaśmi da šaści hadoŭ pazbaŭleńnia voli pa č. 3.
— Za pieršasnaje raspaŭsiudžvańnie nievialikaj kolkaści taho ci inšaha narkatyčnaha rečyva zhodna z art. 328 KK davali dastatkova surovyja terminy, — skazała Niachajčyk u efiry prahramy «Havoryć i pakazvaje Minsk». — Da nas prychodzili na pryjom i maci, i žonki, i siostry asudžanych pa hetym artykule. I ja, jak deputat, jak maci, razumieła, što nie zaŭsiody varta adrazu davać takoje žorstkaje pakarańnie. Mahčyma, u adnosinach da niepaŭnaletnich, naprykład, dastatkova ŭmoŭnaha pakarańnia, kab była mahčymaść vypravicca. Mnohija, chto papaŭsia na hetym u pieršy raz, čaściakom chutka ŭśviedamlajuć, što zrabili.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary