Praŭda pra enierhietyki: jak dziejničaje kafiein, kolki doŭžycca efiekt i što pavinna być u składzie
Kab razabracca, jaki ŭpłyŭ enierhietyčnyja napoi akazvajuć na arhanizm čałavieka, my paprasili doktara-dyjetołaha Łarysu Barysievič adkazać na našy pytańni.
U čym adroźnieńnie enierhietykaŭ ad zvyčajnaj haziroŭki?
Enierhietyki zdymajuć sanlivaść, palapšajuć pracazdolnaść i pašyrajuć sasudy.
Tak dziejničaje kafiein, jaki ŭtrymlivajecca ŭ składzie enierhietykaŭ. Jon stymuluje skaračeńnie straŭnika, paskaraje mietabaličnyja pracesy ŭ arhaniźmie, rasščaplaje tłušč. Heta padvyšaje i razumovuju, i fizičnuju aktyŭnaść.
Dzie tut niehatyŭny ŭpłyŭ?
Treba razumieć adnu prostuju reč.
«Enierhietyki — heta nie krynica dadatkovaj enierhii. Jany biaruć enierhiju ŭ doŭh z resursaŭ arhanizma, jakija nazapašanyja tam na krajni vypadak. Kali ž pastajanna vyčerpvać enierhiju adtul, to rana ci pozna arhanizm zapiarečyć», — tłumačyć doktar-dyjetołah.
Tamu ŭžyvańnie enierhietyčnych napojaŭ pavinna być abmiežavana da biaśpiečnaj kolkaści jak za adzin raz, tak i na praciahu dnia.
Daviedka
Jeŭrapiejskaje ahienctva pa biaśpiecy praduktaŭ charčavańnia (EFSA) jašče ŭ 2015 hodzie praviało daśledavańnie siarod 66 531 čałavieka, kab vykazać navukovaje mierkavańnie nakont biaśpieki kafieinu i jaho ŭzajemadziejańnia ź inšymi rečyvami. Śpiecyjalisty paćvierdzili, što zvyčajnaje dla arhanizmu ŭžyvańnie da 400 mh kafieinu ŭ dzień, roŭnaje ŭtrymańniu kafieinu ŭ 5 bankach enierhietyčnaha napoju (5ch250 mł), nie vyklikaje prablem u zdarovaha darosłaha. Ale sami vytvorcy enierhietykaŭ nie rekamiendujuć užyvać bolš za dźvie banki.
Prablemy źjaŭlajucca zaŭsiody, kali čałaviek pačynaje złoŭžyvać. Heta tyčycca i napojaŭ, i ježy. Varta pačać spažyvać štości zvyš miery, chutčej za ŭsio ŭźniknuć prablemy.
Ci možna vypić adnu banku enierhietyku i być aktyŭnym usiu noč?
«Na žal, nie. Dziejańnie takich napojaŭ doŭžycca nie tak doŭha, jak efiekt ad kavy, bo jon zaležyć ad kafieinu i cukru. U pieršyja 40 chvilin pavialičvajecca sardečnaja dziejnaść, palapšajecca nastroj praz toje, što ŭ kroŭ traplaje dafamin. A praz 3—6 hadzin nastupaje advarotny efiekt. Źjaŭlajecca sanlivaść, zatarmožanaść, mlavaść», — kaža Łarysa Barysievič.
I što tady robić čałaviek? Pravilna, vypivaje druhuju, treciuju, čaćviortuju banku.
«A paśla hetaha, kali čałaviek pieravyšaje dapuščalnuju i biaśpiečnuju normu, nastupstvy mohuć być ciažkimi. Tamu abaviazkova treba čytać toje, što vytvorca piša na etykietcy», — udakładniaje doktar.
Na što źviartać uvahu na etykietcy?
Pa-pieršaje, na toje, što napisała tłustym šryftam z kličnikam. Nie ŭžyvać bolš za adnu banku za raz! Pa-druhoje, enierhietyki nie rekamiendujujecca pić tym, kamu nie spoŭniłasia 18 hadoŭ.
Što pavinna być u składzie enierhietyku?
«Pavinna skazać, što skład takoha napoju, jak, naprykład, Hell, maksimalna pravilny. Bolšaja častka — heta vada i čysty kafiein. U im niama huarany, karnicinu, miełataninu. Hetyja kampanienty pavialičvajuć dziejańnie adno adnaho», — tłumačyć doktar.
Kab davać čałavieku enierhiju, napoj musić utrymlivać hranulavany cukar. Nikudy nie padziecca, bo mienavita cukar zabiaśpiečvaje hałoŭnuju funkcyju enierhietyka — davać enierhiju. Takim čynam, mienavita za košt hetych dvuch inhredyjentaŭ — kafieinu i cukru — adna banka enierhietyku dapamoža ŭzbadziorycca, kali ŭ hetym jość nieabchodnaść.
Kamu kateharyčna supraćpakazanyja enierhietyčnyja napoi?
Ludziam z zachvorvańniami serca, straŭnika. Tym, chto pakutuje ad lišniaj vahi albo adčuvalny da kafieinu.
Jak časta možna ŭžyvać enierhietyki?
«Enierhietyki lepš užyvać tolki ŭ vypadku nieabchodnasci. Naprykład, kali vam treba być badziorym za rulom. I stavicca da hetych napojaŭ, jak da praduktu sa svajoj funkcyjaj. Na nastupny dzień paśla ŭžyvańnia arhanizmu treba addać «doŭh»: vyspacca, adpačyć», — tłumačyć Łarysa Barysievič.
Da taho ž, kali časta ŭžyvać enierhietyki, jany prosta pierastanuć vykonvać svaju funkcyju.
I ni ŭ nijakim razie nielha ŭžyvać enierhietyki razam z ałkaholem!
Ci jość niejkija alternatyvy enierhietykam, kab chutka źniać stomu?
«Možna vypić kisłaha morsu z bruśnic ci žuravin, źjeści limon. A enierhietyki pakińcie na krajni vypadak», — padsumoŭvaje doktar Łarysa Barysievič.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary