Pryznačany novy rektar univiersiteta «MITSA». Papiaredni nie adpracavaŭ i hodu
Zahadam Ministerstva adukacyi i rasparadžeńniem Fiederacyi prafsajuzaŭ Biełarusi rektaram Mižnarodnaha ŭniviersiteta «MIPSA» pryznačany Uładzimir Uładzimiravič Łosieŭ, paviedamlajecca na sajcie VNU
Kalektyvu ŭniviersiteta novaha rektara pradstavili pieršy namieśnik ministra adukacyi Iryna Staravojtava i sakratar FPB pa mižnarodnaj pracy Hanna Varfałamiejeva.
«Ja vielmi spadziajusia na novyja dobryja vyniki, na stabilnaść i spakoj u kalektyvie, a taksama efiektyŭnuju sumiesnuju pracu. U dobry šlach i ŭsiaho dobraha, Uładzimir Uładzimiravič», - skazała Iryna Staravojtava.
Raniej Uładzimir Łosieŭ zajmaŭ pasadu prarektara pa navukovaj rabocie
Cikava, što papiaredni rektar Vadzim Paźniak nie prapracavaŭ i hoda. Jon byŭ pryznačany rektaram 29 žniŭnia 2018 hoda.
Pierad pryznačeńniem u MITSA jon pracavaŭ u Akademii kiravańnia, a tudy pryjšoŭ z Hienprakuratury, byŭ staršym prakuroram adździeła pa nahladu za vykanańniem zakanadaŭstva ab niepaŭnaletnich i moładzi.
U bytnaść pracy prakuroram Vadzim Paźniak zaplamiŭ siabie sudom nad Paŭłam Sieviaryncam i Mikołam Statkievičam, jakich sudzili za šeście pa praśpiekcie paśla referendumu 2004 hoda. Jon prasiŭ asudzić apazicyjanieraŭ na 3 hady «chimii», sudździa zadavoliŭ takoje prašeńnie.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary