Žychar Minskaha rajona byŭ źbity i abrabavany va ŭłasnaj kvatery, a zatym vyviezieny ŭ les hrupaj złamyśnikaŭ, paviedamili BiełTA va UUS Minabłvykankama.
Paciarpieły — 33-hadovy žychar pasiołka Jubilejny — źviarnuŭsia ŭ apieratyŭna-dziažurnuju słužbu Mačuliščanskaha adździeła milicyi Minskaha RUUS z zajavaj. Poźnim viečaram, kali mužčyna ŭžo spaŭ, da jaho ŭ kvateru praz bałkon zabraŭsia nieviadomy i pačaŭ źbivać. Zatym zabraŭ z kišeni džynsaŭ Br650. Na hetym načnaja epapieja nie skončyłasia. Napadnik prymusiŭ mužčynu vyjści na vulicu, dzie jaho čakali dvoje. Achviaru pasadzili ŭ mašynu, u jakoj znachodzilisia jašče dvoje čałaviek. Užo ŭ sałonie aŭto achviara napadu paznała, što złačynca, adzin z tych, z kim jon pracavaŭ na tak zvanaj šabašcy.
Złamyśniki vyvieźli mužčynu ŭ les, dzie praciahnuli źbivać i patrabavać viarnuć nieisnujučy doŭh u $2,2 tys. Ale rašučaja admova achviary i pahroza zajavić u milicyju prymusili ich pamianiać stratehiju: usio, što adbyłosia, jany pasprabavali patłumačyć nieparazumieńniem. Napadniki advieźli paciarpiełaha na kvateru da adnaho ź ich, zładzili zastolle, mirylisia. Voś tolki achviara ŭsio roŭna nie daravała takoha «rozyhryšu». Supracoŭniki kryminalnaha vyšuku Minskaha RUUS vyśvietlili asoby padazravanych, jany byli zatrymanyja. Usie raniej sudzimyja za roznyja złačynstvy.
Tak, 34-hadovy žychar Pietrykaŭskaha rajona Homielskaj vobłaści (z adnoj vioski z paciarpiełym), vyzvaliŭšysia ź miescaŭ pazbaŭleńnia voli, znajšoŭ svajho adnaviaskoŭca i naprasiŭsia da jaho ŭ pamočniki. Zatym prapanavaŭ uziać i svajho 33-hadovaha znajomaha minčuka. Tady mužčyna zhadziŭsia papracavać z hetaj kamandaj, jakaja ŭ dalejšym i vyrašyła ź im tak «pažartavać». Jašče adnym napadnikam byŭ 27-hadovy žychar Chocimskaha rajona Mahiloŭskaj vobłaści. Usich fihurantaŭ uziali pad vartu, ciapier jany ŭ izalatary časovaha ŭtrymańnia. Raspačatyja kryminalnyja spravy pa artykułach «Rabavańnie», «Vymahalnictva» i «Niezakonnaje pazbaŭleńnie voli».
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?5
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić77
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić7
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary