Ni poł, ni viek nie pieraškoda: ES naminavaŭ 65-hadovuju ekanamistku na pasadu kiraŭnika MVF
Kryštalina Hieorhijeva, jakaja naradziłasia ŭ savieckaj Bałharyi, a ciapier vykanaŭčy dyrektar Suśvietnaha banka, stała kandydatam na pasadu staršyni MVF u Jeŭrasajuzie, piša bbc.com.
Uzhadnieńnie kandydatury było vielmi napružanym i zaniało niekalki tydniaŭ. U minułuju piatnicu raŭnd pieramovaŭ raściahnuŭsia na 12 hadzin.
Kandydaturu Hieorhijevaj padtrymali Francyja i krainy Paŭdniovaj i Uschodniaj Jeŭropy, u toj čas jak hrupa krain na čale z Hiermanijaj i Niderłandami vystupała za inšaha kandydata, byłoha ministra finansaŭ Niderłandaŭ Jerana Desielbłuma. Jon taksama ŭznačalvaŭ hrupu ministraŭ finansaŭ jeŭrazony, vioŭ prahramu finansavaj dapamohi MVF Hrecyi i finansavaje adnaŭleńnie bankaŭ Ispanii i Kipra.
Kandydatura Krystaliny Hieorhijevaj nabrała bolš za pałovu hałasoŭ dziaržaŭ-členaŭ ES, navat nasupierak tamu, što MVF pavinien budzie źmianić ułasnaje praviła dla kančatkovaha adabreńnia: kiraŭniku ŭ dzień jaho pryznačeńnia pavinna być mienš za 65, a Hieorhijevaj spaŭniajecca 66 u žniŭni hetaha hoda.
Adnak, pavodle ahienctva Reuters, vidavočna, što padtrymki ES i ZŠA budzie dastatkova, kab źmianić hetaje praviła.
Inšyja krainy mohuć vyłučyć kandydataŭ da 6 vieraśnia. Kančatkovyja vyniki vybaraŭ novaha staršyni MVF buduć padviedzieny ŭ pačatku kastryčnika.
Pakul vybarčy praces nie skončycca, Krystalina Hieorhijeva prypynić svaje paŭnamoctvy ŭ Suśvietnym banku.
Jak vykanaŭčy dyrektar Suśvietnaha banka Kryštalina Hieorhijeva asabliva nastojliva ŭzdymała prablemy hiendernaj roŭnaści i klimatyčnych źmien.
Da pryznačeńnia vykanaŭčym dyrektaram Suśvietnaha banka Kryštalina Hieorhijeva była kamisaram pa mižnarodnym supracoŭnictvie pry Jeŭrapiejskaj kamisii.
Da hetaha jana vykładała i abaraniła doktarskuju dysiertacyju pa ekanomicy va ŭniviersitecie nacyjanalnaj i suśvietnaj ekanomiki ŭ Safii.
Na svajoj staroncy ŭ Tvitary Kryštalina Hieorhijeva napisała, što ŭsprymaje jak vialiki honar vyłučeńnie na pasadu kiraŭnika MVF, i dałučyła dopis ź siamiejnym fotazdymkam i kamientarom: «Ad bałharskaj vioski da vykanaŭčaha dyrektara Suśvietnaha banka — voś što takoje mahčymaść!»
My grandparents had very little education. My parents finished high school. I was the first in my extended family to get a PhD. From a village in Bulgaria to CEO of the @worldbank -- this is what possibility looks like! #InheritPossibility pic.twitter.com/A3UcXh1B4D
Za apošnija niekalki hadoŭ jana była vyłučana na niekalki kiroŭnych pasadaŭ u viadučych mižnarodnych arhanizacyjach - ad pasady hienieralnaha sakratara AAN u 2016 hodzie da pasady prezidenta Jeŭrapiejskaj kamisii i Jeŭrapiejskaj Rady sioleta.
Naziralniki razhladajuć jaje vyłučeńnie jak sprobu zachodniejeŭrapiejskich krain źmiakčyć krytyku z boku krain Uschodniaj Jeŭropy, što nivodzin pradstaŭnik postsavieckaha błoka nie atrymaŭ kiraŭničaj pasady ŭ Brusieli paśla majskich vybaraŭ.
Dla inšych heta rašeńnie - jašče adzin znak kanca epochi ŭpłyvu na jeŭrapiejskuju palityku kanclera Hiermanii Anhieły Mierkiel.
Z momantu stvareńnia dvuch bujnych mižnarodnych finansavych instytutaŭ, MVF i Suśvietnaha banka, paśla Druhoj suśvietnaj vajny MVF zvyčajna ŭznačalvaŭ jeŭrapiejec, a Suśvietny bank - pradstaŭnik ZŠA.
Adnak, jak piša New York Times, u niadaŭnim intervju ministr finansaŭ ZŠA Styvien Mnučyn zajaviŭ, što hety paradak rečaŭ nie źjaŭlajecca absalutnym.
Papiaredniaja kiraŭnica MVF Kryścin Łahard syšła ŭ adstaŭku ŭ lipieni paśla taho, jak jaje abrali kiraŭnikom Jeŭrapiejskaha centralnaha banka.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary