Ekśpierty: 2019 hod moža ŭvajści ŭ piaciorku samych ciopłych hadoŭ u historyi nazirańniaŭ
Z pryčyny chvalaŭ ciapła, što nakryli značnyja vobłaści ŭ Jeŭropie i Paŭnočnaj Amierycy ŭ červieni i lipieni, 2019 hod moža ŭvajści ŭ piaciorku samych ciopłych hadoŭ za čas sistematyčnych nazirańniaŭ za nadvorjem i klimatam, a 2015 — 2019 hady — skłaści rekordna ciopłaje piacihodździe. Z takim prahnozam vystupiła ŭ Ženievie Suśvietnaja mietearałahičnaja arhanizacyja (SMA), piša TASS.
Hienieralny sakratar SMA Pietery Taałas pakazaŭ na pahrozu nastupu «carstva niebiaśpiečnych tempieratur z šmatlikimi nastupstvami dla našaj płaniety».
Spasyłajučysia na dadzienyja Jeŭrapiejskaha centra siarednieterminovych prahnozaŭ nadvorja, SMA adznačaje, što z ulikam vysokaj tempieratury ŭ pieršyja 29 dzion lipienia biahučaha hoda, hety miesiac stanie «roŭnym abo trochi bolš ciopłym», za lipień 2016 hoda, jaki ličycca da hetaha času samym ciopłym u historyi.
U šerahu krain Jeŭropy tempieratura dasiahnuła rekordnych vieličyń. Śpiakota pryviała da parušeńniaŭ u pracy transpartu i niehatyŭna adbiłasia na zdaroŭje ludziej i navakolnym asiarodździ, paskoryłasia rastavańnie ldoŭ u Arktycy.
Pavodle nazirańniaŭ, u lipieni siaredniaja tempieratura była prykładna na 1,2 hradusa vyšejšaja za siarednija značeńni ŭ daindustryjnuju epochu. Ale kali ŭ lipieni 2016 hoda haračyniu «padsiłkoŭvaŭ» mocny pryrodny fienomien El-Nińjo, dyk sioletamocnaha El-Nińjo niama, kanstatuje SMA.
«Lipień pierapisaŭ historyju klimatu, ustalavaŭšy dziesiatki novych tempieraturnych rekordaŭ na miascovym, nacyjanalnym i hłabalnym uzroŭni», — adznačyŭ Taałas.
Jon nahadaŭ pra «biesprecedentnyja lasnyja pažary», jakija praciahvajucca druhi miesiac zapar. «Heta zusim nie siužet z navukovaj fantastyki, a realnaść źmieny klimatu. Heta adbyvajecca ciapier, i situacyja pahoršycca ŭ budučyni, kali nie zrabić terminovyja dziejańni», — reziumavaŭ kiraŭnik SMA.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary