Jeŭrasajuz pavinien nazirać, kab BiełAES, što budujecca ŭ Astraŭcy, niedaloka ad litoŭskaj miažy, adpaviadała standartam biaśpieki, skazała kancler Niamieččyny Anhieła Mierkiel, piša Delfi.
«Niamieččyna padtrymlivaje Litvu, kab vykonvalisia bolš vysokija kryteryi biaśpieki. ES pavinien sačyć, kab hetaja stancyja ŭ Astraŭcy adpaviadała ŭsim standartam biaśpieki i nie źjaŭlałasia pahrozaj», — skazała kancler Niamieččyny na sumiesnaj pres-kanfierencyi z prezidentam Litvy Hitanasam Naŭsiedaj u Bierlinie.
BiełAES budujecca ŭ Astraŭcy, za 50 kiłamietraŭ ad Vilni i mienš za 30 kiłamietraŭ ad litoŭskaj miažy.
Prezident Litvy Naŭsieda skazaŭ, što stancyja nibyta budujecca z parušeńniami patrabavańniaŭ biaśpieki, jaje miesca vybrana zychodziačy z hieapalityčnych, a nie z ekanamičnych mierkavańniaŭ.
«My vielmi prosim dapamohi našych siabroŭ u ES u płanie dasiahnieńnia taho, kab hetaja stancyja jašče da pačatku jaje funkcyjanavańnia pieratvaryła ŭ žyćcio ŭsie standarty biaśpieki, jakija nieabchodna», — skazaŭ kiraŭnik Litvy.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha3
Kamientary