U Minsku nibyta «zaminiravali» niekalki hatelaŭ, vakzał i aeraport
Napačatku a vośmaj ranicy ŭ apieratyŭna-dziažurnuju słužbu HUUS Minharvykankama pastupili paviedamleńni ad piersanału haścinic «Biełaruś» i «Harni», što na Internacyjanalnaj.
U abodvuch vypadkach na elektronnuju poštu pryjšło paviedamleńnie ad nieviadomaha pra nibyta zakładzienaj vybuchovaj pryładzie ŭ nazvanych haścinicach.
Nieadkładna vybyli sapiorna-piratechničnyja i śledča-apieratyŭnyja hrupy, inšyja słužby. U ciapierašni čas pravodzicca abśledavańnie budynkaŭ na pradmiet najaŭnaści niebiaśpiečnych rečyvaŭ. Praviedziena evakuacyja piersanału.
Zatym stała viadoma taksama pra «miniravańnie» hatelaŭ «Viktoryja», «Jubilejnaja», a taksama aeraporta i čyhunačnaha vakzała.
Kala 13:00 aficyjny pradstaŭnik MUS Volha Čamadanava paviedamiła ab zaviaršeńni abśledavańnia piaci minskich haścinic, Nacyjanalnaha aeraporta, staličnaha i abłasnych čyhunačnych vakzałaŭ. Niebiaśpiečnych pradmietaŭ vyjaŭlena nie było. Pravaachoŭniki vyznačajuć asobu złamyśnika.
Kamientary