Patrabavalnaść da jakaści raboty pravaachoŭnaha błoka ŭ Biełarusi budzie tolki ŭzrastać. Pry hetym da parušeńniaŭ zakona, uklučajučy bandytyzm i karupcyju, staŭleńnie ŭ Łukašenki budzie raniejšaje i navat bolš žorstkaje. Pra heta zajaviła žurnalistam pres-sakratarka kiraŭnika dziaržavy Natalla Ejsmant pa vynikach narady pa temie raboty pravaachoŭnikaŭ, pieradaje BiełTA.
«Tyja, chto paśpiašaŭsia ŭbačyć tut niejkija budučyja pasłableńni ci tym bolš niejkuju pijar-kampaniju, prosta niedaaceńvajuć situacyju i nie viedajuć našaha prezidenta. Patrabavalnaść ź siońniašniaha dnia budzie tolki ŭzrastać, pryčym patrabavalnaść pa ŭsich frantach», — padkreśliła pres pres-sakratarka Łukašenki.
Jana źviarnuła ŭvahu, što da bandytyzmu, karupcyi i inšych parušeńniaŭ zakona staŭleńnie z boku dziaržavy budzie raniejšaje i navat jašče bolš žorstkaje.
«Heta značyć pasłableńniaŭ nie budzie, chto b što ni ŭbačyŭ. Tym, kamu miesca ŭ turmie, pavinny być i buduć u turmie. Heta adnaznačna», — skazała Natalla Ejsmant.
U toj ža čas kiraŭnik dziaržavy zapatrabavaŭ, kab pry rasśledavańni kryminalnych spraŭ nie pakutavali nievinavatyja ludzi.
«Spraviadlivaść tut sapraŭdy klučavoje słova. Na heta prezident źviartaŭ uvahu nie raz. U hetym płanie budzie šmatkroć uzmacniacca kantrol za jakaściu pracy pravaachoŭnych orhanaŭ. A heta i jość taja samaja spraviadlivaść», — adznačyła Natalla Ejsmant.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary