Zabojca hramadzianina Hruzii ŭ Hiermanii źviazany sa śpiecsłužbami Rasii
U novym sumiesnym rasśledavańni The Insider, Bellingcat i Spiegel śćviardžajecca, što zamiežny pašpart padazravanaha vydadzieny na vydumanaje imia. Prajści pašpartny kantrol u hetym vypadku biez udziełu śpiecsłužbaŭ niemahčyma, śćviardžajuć jany.
Čałaviek, jakoha padazrajuć u zabojstvie 23 žniŭnia ŭ Bierlinie hramadzianina Hruzii Zielimchana Chanhašvili, źviazany z rasijskimi śpiecsłužbami. Takuju vysnovu možna pabačyć u sumiesnym rasśledavańni vydańnia The Insider, mižnarodnaj hrupy žurnalistaŭ Biellingcat i niamieckaha vydańnia Der Spiegel.
Daśledčykam udałosia vyśvietlić, što padazravany ŭ zabojstvie pryjechaŭ u Niamieččynu praz Francyju z zamiežnym pašpartam na imia Vadzima Andrejeviča Sakałova i dataj naradžeńnia 20 žniŭnia 1970 hoda. U realnaści takoha čałavieka nie isnuje ni ŭ adnoj bazie, uklučajučy bazu rasijskich pašpartoŭ, śćviardžajecca ŭ rasśledavańni. Akramia taho, byŭ vydumanym adras u Sankt-Pieciarburhu, jaki byŭ paznačany pry padačy dakumientaŭ na vizu.
Na dumku daśledčykaŭ, toj fakt, što padazravany zmoh atrymać zamiežny pašpart na vydumanaje imia, «pakazvaje na pramuju suviaź jaho ź dziaržavaj». «Navat kali b jamu niejkim čynam udałosia padrabić pašpart samastojna, jon nie zmoh by prajści pa im rasijski pahraničny kantrol, bo sistema aŭtamatyčna suadnosić danyja adskanavanaha pašparta ź sistemaj Raspašpart, dzie Sakałova niama. Takim čynam, albo jon prachodziŭ miažu ŭ admysłovym paradku (u supravadžeńni supracoŭnikaŭ FSB), albo tady jon byŭ u sistemie Raspašpart i paźniej byŭ adtul vydaleny (i toje i druhoje niemahčyma biez aficyjnaha ŭciahvańnia rasijskich śpiecsłužb)», — robiać vysnovu žurnalisty.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary