«Maŭčańnie pierastała być vyratavalnym abiareham»: Juryj Dudź rezka vystupiŭ na ŭručeńni premii «Čałaviek hoda»
Rasijski žurnalist Juryj Dud́ treci raz staŭ uładalnikam premii «Čałaviek hoda» časopisa GQ. Premiju jon atrymaŭ jak dakumientalny režysior i «hałoŭny tvar rasijskaha YouTube».
Vystupajučy z pramovaj, jon zaklikaŭ aŭdytoryju «nie maŭčać» ab palityčnych prablemach u Rasii. Zapis vystupu raźmiaściŭ u Twitter «mbCh Miedyja».
«U mianie jość prośba. Kali ŭ Rasii ŭ nastupny raz buduć dubasić čarhovych prostych prachožych dubinkami, kali buduć kraści nastupny vahon dziaržaŭnych hrošaj, kali buduć ukidvać novy pačak makułatury ŭ vybarčuju skryniu, ja vielmi prašu vas havaryć pra heta, a nie maŭčać.
Mnie zdajecca, što maŭčańnie ŭžo pierastała być vyratavalnym abiareham. Kali ty maŭčyš, nie značyć, što ty ŭ domiku. Pryjści mohuć u luby domik, navat kali hety domik znachodzicca na Rublova-Uśpienskaj šašy. A raz niama roźnicy, to ja nie razumieju, čamu treba sustrakać biaźmiežža maŭčańniem, a nie sustrakać jaho tvar u tvar.
Ja razumieju, što šmat chto kaža: «Słuchaj, my ŭsio razumiejem, usich škada, usio ciažka; my ŭsie razumiejem, z usim zhodnyja, ale vielmi nia chočacca pazbavicca ramiastva, vielmi nia chočacca pazbavicca samarealizacyi».
Tut ja mahu pracytavać tolki adzin važny rasijski pank-hurt (Lumen): «Tot, u koho jesť mozhi i ruki, nikohda nie umriet ot hołoda i skuki». Niejkuju pracu zmoh znajści navat ja. Vy značna razumniejšyja, značna bolš adukavanyja i prosta lepšyja za mianie, tamu ja ŭpeŭnieny, što vy zmožacie znajści takuju pracu značna praściej. Dziakuj vam vialiki».
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia16
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary