Suśvietnyja ceny na naftu na adkryćci tarhoŭ na biržy ICE ŭ Łondanie pakazali rezki rost paśla taho, jak Saudaŭskaja Aravija skaraciła zdabyču na fonie ataki dronaŭ na zavody Saudi Aramco. Pra heta śviedčać dadzienyja tarhoŭ, piša rbc.ru.
Cana fjučarsaŭ na naftu marki Brent z pastaŭkaj u listapadzie vyrasła na 13,86%, da $ 69,91 za baral. Pry hetym u pieršyja chviliny tarhoŭ cana nafty Brent dasiahała značeńnia ŭ $ 71,95 za baral. Na papiarednim zakryćci jana składała krychu bolš za $ 60 za baral.
Cana kastryčnickaha fjučarsa na naftu marki WTI pavialičyłasia na 11,23% - da $ 61,79 za baral (suprać amal $ 55 na papiarednim zakryćci).
Napiaredadni, 15 vieraśnia, analityki i trejdary zajavili Reuters, što ceny na naftu padskočać.
Analityki dapuścili naftu pa $100 za baral paśla ataki dronaŭ
Er-Ryjad pryniaŭ rašeńnie skaracić zdabyču paśla taho, jak na dvuch bujnych radoviščach nafty kampanii Saudi Aramco adbyŭsia pažar. Jaho pryčynaj stała ataka dronaŭ ranicaj 14 vieraśnia.
Ataka pryviała da skaračeńnia ŭzroŭniu zdabyčy nafty ŭ karaleŭstvie amal udvaja. Adkaznaść za napad uziali na siabie chusity.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary