Partał pravo.by infarmuje pra toje, što rychtujucca źmieny ŭ zakon «Ab rekłamie».
Adna z prapanovaŭ, jakuju prasoŭvajuć Ministerstva infarmacyi i nacyjanalnyja telekanały: zabaranić zamiežnym telekanałam pakazvać rekłamu.
«Naša Niva» razabrałasia, što heta značyć.
Najpierš treba patłumačyć, što novaŭviadzieńnie nie zakranie ŭmoŭnyja «NTV-Biełaruś» i «TNT International», bo jany ličacca biełaruskimi miedyjami. Aproč taho, vyklučeńnie zrobiać dla kanałaŭ, zasnavalnikami jakich Biełaruś vystupaje sumiesna z zamiežnymi dziaržavami — naprykład, sajuzny «BiełRos».
Havorka idzie pra inšuju situacyju: kali niejkaja firma zaklučaje ŭhodu z kanałami i retranśluje ich u pakiecie, bieručy hrošy za padpisku — hetak zvanaje kabielnaje telebačańnie.
Voś tut i prajaŭlajucca roznaha rodu kazusy, bo takich kanałaŭ u roznych apierataraŭ tranślujecca bolš jak 250.
Ich adpaviednaść zakanadaŭstvu vyznačajecca na kamisii Mininfarma, dzie čynoŭniki vyvučajuć adzin efirny dzień i robiać vysnovu, ci dapuskajecca kanał da tranślacyi, ci jość tam što zabaronienaje.
I niaredkija vypadki, kali ŭ hetym adnym efirnym dni ničoha zabaronienaha niama, a praź miesiac, naprykład, źjaŭlajecca zabaronienaja rekłama piva ŭ dzionny čas.
Dziaržaŭnyja kanały razdražnionyja tym, što ich kankurenty časam rekłamujuć tyja pradukty i pasłuhi, jakija pradstaŭleny ŭ Biełarusi, ale, vychodzić, pa fakcie ich zamoŭcy ničoha nie płociać za dostup na rekłamny rynak Biełarusi. Nie zarablajuć na hetym taksama i kabielnyja apieratary — heta takaja chalaŭnaja rekłama.
Tamu, jak patłumačyli «Našaj Nivie» abaznanyja krynicy, paśla skarhaŭ dziaržaŭnych kanałaŭ było pryniata rašeńnie prymusić apierataraŭ takich kanałaŭ vyrazać rekłamu z tranślacyj.
Pa hetaj ža darozie pajšli i Kazachstan z Rasijaj: apierataram daviadziecca abo damovicca z zamiežnymi kanałami, kab jany pastaŭlali viersiju adrazu biez rekłamy, abo zakupić abstalavańnie, kab vyrazać rekłamu samastojna i zamianiać hetyja błoki, naprykład, na biełaruskuju sacyjalnuju rekłamu.
Pa acenkach našych surazmoŭcaŭ, novaŭviadzieńnie zakranie kala 30 kanałaŭ. Astatnija kabielnyja kanały nie tranślujuć rekłamu.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary