Siamja działkoŭ ź Viciebska ŭhavorvała marhinałaŭ brać u kredyt techniku. Pryčym dapamahali im pradaŭcy VIDEA
Apieratyŭniki pa baraćbie z arhanizavanaj złačynnaściu i karupcyjaj MUS vyjavili bolš za 30 čałaviek, jakija stali achviarami ašukancaŭ u śfiery spažyvieckaha kredytavańnia. Tolki čatyrom ź ich naniesieny ŭron zvyš 25 tys. rubloŭ, a dakładnaja suma budzie vyznaana paźniej, paviedamlaje pres-sakratar MUS Volha Čamadanava ŭ svaim telehram-kanale.
Kryminalny biznes arhanizavała viciebskaja siamja z čatyroch čałaviek. Jany znachodzili ludziej, jakija viaduć asacyjalny ład žyćcia, i ŭhavorvali afarmlać na siabie bytavuju techniku ŭ kredyt. Televizary, chaładzilniki, mikrachvaloŭki, telefony, płanšety dy inšaje zabirali sabie, abiacajučy ŭnosić płaciažy samastojna.
Kali atrymać pazyku na techniku nie ŭdavałasia, na klijenta afarmlali kredytnuju kartu, jakuju działki zabirali sabie i ŭ nastupnym zdymali ź jaje hrošy.
Za pasłuhu paciarpiełym płacili ŭznaharodžańnie ad 50 da 100 rubloŭ. Paśla ździełki źnikali — pahašać kredyty jany navat nie źbiralisia.
Tavar realizoŭvaŭsia pa zanižanych cenach praź finansavuju strukturu, jakaja pracuje pa pryncypie łambarda. Atrymanyja hrošy tracili na siabie.
Dapamahali ŭ złačynnaj schiemie śpiecyjalisty i pradaŭcy-kansultanty dźviuch bujnych handlovych sietak. Jany dapamahali afarmlać nieabchodnyja dakumienty i ŭładžvać z bankami pytańni płaciežazdolnaści klijentaŭ. Za heta atrymlivali ŭznaharodu ad saŭdzielnikaŭ. U dadatak rabotniki kramy aficyjna premiravalisia kiraŭnictvam, jakoje ničoha nie padazravała, za paśpiachovuju realizacyju techniki.
Termin pakarańnia za takoje złačynstva praduhledžvaje da 10 hadoŭ pazbaŭleńnia voli z kanfiskacyjaj majomaści.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary