U Hrodzienskim dziciačym chośpisie šukajuć novy dom i źviarnulisia da ŭładaŭ
Hrodzienskamu dziciačamu chośpisu imia śviatoha Hubierta stała ciesna ŭ starym budynku na Haharyna. Jany znajšli dla siabie idealny budynak i źviarnulisia da ŭładaŭ z prośbaj pieradać jaho. Što ŭłady adkažuć, pakul nieviadoma, piša Hrodna.life.
«My arandujem pamiaškańnie i nam u im stała vielmi ciesna. My pašyryli pasłuhi dla dziaciej i ich baćkoŭ, a heta zaŭsiody patrabuje novych płoščaŭ. Siońnia ŭ našym chośpisie jość try kabiniety i vialiki choł. Svoj kabiniet naša dyrektar addała pad masažny kabiniet. Ciapier my usie dzielim stały, kampjutary, pryntar», — tłumačać u chośpisie.
Novy budynak znajšłosia na vulicy Syrakomli. Heta były miedycynski vyćviareźnik. U chośpisie kažuć, što budynak znachodzicca ŭ idealnym miescy: jość dzie pastavić altanki pad drevami, unutry taksama ŭsio arhanizavana. Sam budynak taksama pasuje: maleńkija kabiniety, asiarodździe niaciažka pieraabstalavać pad biezbarjernaje, jość mansardny pavierch dla pracy z baćkami.
29 žniŭnia pradstaŭniki chośpisa byli ŭ harvykankamie na pryjomie ŭ Miečysłava Hoja z prośbaj pieradać budynak. Ułady pakul nie adkazali.
«Kažuć, što mary treba vizualizavać. Heta fota našaj mary!», — kažuć u chośpisie.
-
U Minsku pradali kvateru, u jakoj była zarehistravanaja Alaksandra Hierasimienia
-
Pisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
-
Łukašenka pryjechaŭ na «raptoŭnuju» pravierku bojehatoŭnaści Uzbrojenych sił. Ministra papiaredzili a 7‑j ranicy
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary