Hruzija znajšła admysłovy sposab padpuścić špilku na adras rasiejskaha premjer-ministra Uładzimira Pucina. Havorka viadziecca pra pieśniu, jakaja, peŭna, pajedzie na štohadovy pieśniavy turnir «Jeŭrabačańnia», katory sioleta, dziakujučy letašniaj u im pieramozie pop-śpievaka Dzimy Biłana, adbudziecca jakraz u Maskvie.
Pavodle BBC pieśnia, što pradstaŭlaje Hruziju ŭ spabornictvie, zapisanaja ŭ styli dyska-panku dy nazyvajecca We Don't Wanna Put In (the negative move), hulnia słovaŭ, jakuju možna advolna pierakłaści z anhielskaje, jak «My nie chočam rabić (admoŭny krok)», ale i jak «Nam nie patrebny Pucin, (admoŭny krok)». Farmalna nazva, jakaja ŭ dadatak źjaŭlajecca i prypievam, nie parušaje praviłaŭ «Jeŭrabačańnia», zahadvajučych śpievakam nie pryŭnosić palityki ŭ tekst pieśniaŭ-spabornic.
Praz uzbrojeny kanflikt pamiž Rasiejaj i Hruzijaj uletku apošniaja była abviaściła, što admaŭlajecca ad ŭdziełu ŭ konkursie, ale ŭrešcie hruziny pieradumali.
Pieśniu vykonvaje hurt G3, jaki składajecca ź śpievaka Stefana i žanočaha tryo, jakich hałasavańniem abrali hledačy hruzinskaha nacyjanalnaha kanału.
Kamientary