Biełaruski bok budzie ŭdzielničać u pierapachavańni Kastusia Kalinoŭskaha ŭ Vilni, zajaviŭ ministr zamiežnych spraŭ Biełarusi Uładzimir Makiej u intervju šerahu biełaruskich ŚMI.
Biełaruski ministr pakul nie viedaje, chto pradstavić Biełaruś na pierapachavańni, ale ličyć, što naša kraina pavinna być pradstaŭlenaja «na vysokim uzroŭni, heta vielmi važnaja padzieja dla historyi Biełarusi».
«Kalinoŭski naležyć historyi Biełarusi. I Kalinoŭski, i Kaściuška, i Damiejka — usie jany naležać našaj historyi, — miarkuje Makiej. — Nie treba padvodzić staryja palityčnyja matyvy, jakija źviazanyja z hetymi imionami, siońnia».
«Kali jany žyli na našaj ziamli, zrabili ŭniosak u našu historyju, to jany naležać Biełarusi, nie treba siońnia dzialić, čyj jon bolš», — skazaŭ Uładzimir Makiej.
A ci rabiła Ministerstva zamiežnych spraŭ niešta, kab Kalinoŭski lažaŭ u biełaruskaj ziamli?
«Biełaruskim bokam praviedziena ekśpiertyza pareštkaŭ i vyniki vyvučajucca, my ŭ kantakcie ŭ litoŭcami, abmiarkoŭvajem praviadzieńnie mierapryjemstvaŭ 22 listapada», — skazaŭ Makiej.
U toj ža čas ministr zamiežnych spraŭ Biełarusi vystupiŭ suprać pierapachavańnia Kastusia Kalinoŭskaha ŭ Biełarusi. «Kali čałaviek zahinuŭ tam, dzie jon znachodzicca, navošta pieranosić jahonyja kostki? Što my atrymajem z hetaha? Zianon Paźniak navat vykazaŭsia — jon kateharyčna suprać pieranosu pareštkaŭ, ja tut taksama z Paźniakom zhodny bolš, čym z tymi, chto za pieranos».
«Kali ž budzie pryniata rašeńnie ab stvareńni panteonu hierojaŭ, to treba dumać nad sistemnym padychodam, kab i Bahdanoviča ź Jałty pieranieści», — dadaŭ ministr.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie42
Kamientary