Ułady Arhientyny zahadali brytanskamu biskupu Ryčardu Uiljamsanu pakinuć krainu.
Ułady Arhientyny zahadali brytanskamu biskupu Ryčardu Uiljamsanu, što admaŭlaje Chałakost, pakinuć krainu.
U advarotnym vypadku śviatara moža čakać vysyłka za miežy Arhientyny. Uiljamsanu dali dziesiać dzion na pryniaćcie rašeńnia.
Raniej biskup zajmaŭ pasadu kiraŭnika katalickaj sieminaryi ŭ Arhientynie, ale byŭ pazbaŭleny pasady ŭ lutym.
Uiljamsan raniej byŭ adłučany ad carkvy, praŭda, pa nieźviazanych z padziejami Druhoj suśvietnaj vajny pryčynach, ale ŭ studzieni 2009 h. rašeńniem Papy Rymskaha byŭ adnoŭleny ŭ svaim sanie.
Rašeńnie Vatykana pra viartańnie Uiljamsana ŭ łona carkvy sustreła vostruju reakcyju va ŭsim śviecie.
Rabinat u Izraili vyrašyŭ razarvać dačynieńni z Vatykanam u znak pratestu suprać rašeńnia Bieniedykta XVI.
Kancler Niamieččyny Anhieła Mierkiel zajaviła, što tłumačennŭ Vatykana nakont reabilitacyi niedastatkova.
U Vatykanie ŭ svaju čarhu zajavili, što tady nie viedali pra dumki Uilmsana. Urešcie Vatykan vystupiŭ z zajavaj, što biskup pavinien "biezumoŭna" adchryścicca ad svaich zajavaŭ.
Kamientary