Paralizavanaha byłoha hałoŭnaha architektara Minska nie buduć sudzić da jaho vyzdaraŭleńnia

Siońnia ŭ sudzie Zavodskaha rajona Minska pačaŭsia sudovy razhlad pa kryminalnaj spravie pa abvinavačvańni eks hałoŭnaha architektara Minska Paŭła Łučynoviča ŭ atrymańni chabaru. Samoha eks-čynoŭnika ŭ sudzie niama, bo jon znachodzicca ŭ balnicy z paraličam nižniaj častki cieła i nie moža ni chadzić, ni siadzieć. Praces viadzie sudździa Žanna Chvajnickaja, piša Tut.by.

Paŭła Łučynoviča zatrymali 16 sakavika 2019 hoda pa padazreńni ŭ atrymańni chabaru čatyry tysiačy dalaraŭ ad indyvidualnaha pradprymalnika. Na apieratyŭnym videa fihuravali hrošy, jakija znachodziacca ŭ aŭto.

Eks-čynoŭnika abvinavačvajuć pa častcy 1 i častcy 2 artykuła 430 Kryminalnaha kodeksu — atrymańnie chabaru i atrymańnie chabaru paŭtorna abo ŭ bujnym pamiery. Druhim abvinavačanym pa spravie prachodzić indyvidualny pradprymalnik Nona Hryšyna. Jana abvinavačvajecca pa častcy 2 artykuła 431 - pieradača chabaru ŭ bujnym pamiery. 60-hadovaja žančyna ŭtrymlivajecca pad vartaj.

Pavialičyć

U sudzie taksama prysutničajuć svajaki Hryšynaj i Łučynoviča. Sam Łučynovič zaraz znachodzicca ŭ balnicy, kudy jaho ź SIZA ŭ pačatku vieraśnia dastavili z paraličam nižniaj častki cieła i infiekcyjnym dyjahnazam. Jon i siońnia nie chodzić i navat nie siadzić samastojna. Miera strymańnia eks-čynoŭniku źmienienaja na zakład.

Na pasiadžeńni sudździa paviedamiła, što ŭ sud pastupiła daviedka ad zahadčyka adździaleńnia hnojnaj chirurhii 5 HKB, dzie skazana, što Łučynovič prachodzić lačeńnie ŭ stacyjanary i pa stanie zdaroŭja nie moža prymać udzieł u pracesie. Termin lačeńnia — da paŭhoda, kali buduć uskładnieńni — da 8 miesiacaŭ.

Advakaty Łučynoviča (ich try) i advakat Hryšyn padtrymali toje, kab prypynić vytvorčaść pa spravie da vyzdaraŭleńnia eks-čynoŭnika. Pa-pieršaje, jon nie davaŭ pakazańni i maje namier ahučyć ich na sudzie. Pa-druhoje, dziejańni abvinavačanych ŭzajemaźviazany. Prakuror Sakałova nie była suprać, Hryšyna - na mierkavańnie suda.

U vyniku sud pryniaŭ rašeńnie prypynić vytvorčaść pa Łučynoviču da vyzdaraŭleńnia fihuranta. U dačynieńni da Hryšynaj razhlad budzie praciahnuty.

Pa słovach abaroncy Łučynoviča, jaho sprava składaje 22 tamy. Jon pačaŭ znajomicca ​​ź im u kancy žniŭnia i paśpieŭ aznajomicca ​​tolki z čatyrma tamami, bo trapiŭ u balnicu. Niahledziačy na ​​heta, jon vymušany byŭ padpisać pratakoł aznajamleńnia sa spravaj u liku inšaha dla taho, kab jamu źmianili mieru strymańnia.

— Łučynovič kateharyčna nastojvaje na svaim udziele ŭ sudovym pracesie, — skazała jaho advakat Alena Čarej. Pavodle jaje słoŭ, jaje padabaronny z-za chvaroby faktyčna nie mieŭ sił vyvučyć spravu i vypracavać svaju pazicyju. Jon pieranios najskładaniejšuju šaścihadzinnuju niejrachirurhičnuju apieracyju. Bolš za toje, ciapier «jamu pahražaje invalidnaść».

Sud vyrašyŭ prypynić razhlad spravy ŭ dačynieńni da Łučynoviča, a ŭ dačynieńni da Hryšynaj — praciahnuć.

Nahadajem, Paŭła Łučynoviča zatrymali ŭ mašynie. Na apieratyŭnym videa fihuravali hrošy, jakija znachodziacca ŭ aŭto. Jak raspaviadała krynica, niekalki ekśpiertyz pakazali, što Łučynovič hetych kupiuraŭ nie braŭ. Druhi epizod, jaki inkryminnujecca Łučynoviču, — atrymańnie im šampanskaha i prysmakaŭ pierad Novym hodam ad pradstaŭnika kamiercyjnaj kampanii.

U suviazi ź niadaŭniaj naradaj Alaksandra Łukašenki ź siłavikami na spravu źviarnuli dadatkovuju ŭvahu, a kiraŭnictva Minharvykankama vyrašyła pakul pastavić na paŭzu pošuk novaha hałoŭnaha architektara stalicy.

• 0
• 0
• 0
• 0
• 0
• 0
• 0
• 0