Hulcy BATE paśla balučaj parazy ad «Isłačy» pryhatavali dabračynnyja supy dla dziaciej z DCP
4 listapada ŭ restaranie panazijackaj kuchni Gan Bei futbalisty BATE, pad kiraŭnictvam indyjskaha šef-kuchara, hatavali dla haściej tradycyjny azijacki sup ramen. U akcyi ŭdzielničali bramnik Anton Čyčkan, paŭabaronca Erviejn Mukam, a taksama napadajučy Bojan Dubaič.
Takim čynam futbalisty sumiesna z Gan Bei i mižnarodnaj arhanizacyjaj dapamohi dzieciam UNIHELP zapuścili dabračynnuju akcyju «Dobry sup».
Pa ŭmovach akcyi, canu za kožnuju porcyju supu hości restarana vyznačajuć samastojna, a ŭsie sabranyja srodki pojduć na dabračynnaść. Arhanizatary ličać, što takaja akcyja, z adnaho boku, — sposab matyvavać ludziej być sacyjalna adkaznymi i mahčymaść pakazać raznastajnaść azijackaj kuchni, ź inšaha — heta realnaja dapamoha dzieciam.
«Futbolny kłub BATE padtrymlivaje roznyja dabračynnyja mierapryjemstvy i akcyi, tamu my z radaściu pryniali prapanovu ad Gan Bei. Spadziajomsia, što svaimi dziejańniami my i hości restarana zmožam dapamahčy tym, chto ŭ hetym maje patrebu», — padzialiŭsia bramnik kamandy Anton Čyčkan.
Ad 4 da 6 listapada ŭklučna možna budzie sahrecca «Dobrym supam» pa volnaj canie: kolki zapłacić za stravu — vyrašajcie sami. Pry zamovie luboj z troch pazicyj z admysłovaha mieniu, zamiest rachunku za sup aficyjant pryniasie vam dabračynny boks, a ŭsie vyručanyja srodki, buduć nakiravanyja na kuplu invalidnych vazkoŭ dla dziaciej z DCP.
Za dzień da hetaha BATE sastupiŭ u čempijanacie Biełarusi «Isłačy» (2:4), paśla čaho amal całkam pazbaviŭsia šancaŭ na čempijonstva.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary