Pamiatajecie prapahandysta Azaronka z 1990-ch? Ciapier jaho syn padros i plažyć apazicyju ŭ efiry STB
U 1990-ja adnym z samych adyjoznych prapahandystaŭ Biełarusi ličyŭsia Juryj Azaronak. Jon niačasta traplaŭ u kadr, bolš pracavaŭ jak režysior.
Ślesar pa adukacyi, Azaronak prasłaviŭsia ŭ 1995 hodzie, kali napiaredadni refierenduma źniaŭ dakumientalny film «Nianaviść: dzieci chłuśni», u jakim paraŭnaŭ kałabarantaŭ časoŭ Druhoj suśvietnaj vajny i sučasnych biełaruskich nacyjanalistaŭ.
Na schile svajo karjery Azaronak zapomniŭsia tolki kolkaściu publična atrymanych poŭch — to ad Filipa Kirkorava, to ad Mikoły Statkieviča.
I voś hetaje proźvišča znoŭ uźnikła na telebačańni — karespandentam STB staŭ syn Juryja Azaronka. Ryhor pačaŭ pracavać u maniery baćki.
Vytrymki z učorašniaha jaho vystupleńnia ŭ efiry:
«Jość takaja niša — narod śmiašyć. U Biełarusi jana zaniataja hetak zvanaj niesistemnaj apazicyjaj. Čarhovaja kłaŭnada adbyłasia, jak i čakałasia, adbyłasia ŭ hetuju niadzielu, kali ŭsia kraina vybirała parłamient. […] Davajcie pahladzim, što tvorčy kalektyŭ kłoŭnaŭ prapanavaŭ narodu na vybarach.[…] Kasić ad vojska pa varjactvie bałbatunam z kožnym hodam usio ciažej. […] Deputackaja niedatykalnaść dapamahła b im raźniavolić svaje frejdysckija kompleksy. […]
Kłoŭny ŭspomnili, što ciapier 21 stahodździe i ŭzbroilisia hadžetami i ŭzialisia zdymać usio zapar. Ale pakul jany prosta zdymali i na ich nichto nie źviartaŭ uvahi, artystam stanaviłasia sumna, duša patrabavała chajpa», — kaža Azaronak-małodšy, pierakonvajučy zavočnych apanientaŭ, što «narod plavać na vas chacieŭ».
Styl syna nahadvaje baćkoŭski. Takija ž ničym nie padmacavanyja śćvierdžańni:
«Luby adekvatny čałaviek razumieje, što kali razryŭ składaje 40 abo 50 pracentaŭ, to čysta technična sfalsifikavać takoje niemahčyma».
«Pradstaŭniki dziasiatkaŭ krain ABSIE i ŠAS: palityki, dypłamaty, ekanamisty! Jany byli ŭ zachapleńni ad taho, jak u Biełarusi prajšli vybary!»
Viadoma, što Ryhor advučyŭsia ŭ Akademii mastactvaŭ na režysiora, potym słužyŭ u vojsku i pajšoŭ na dembiel u zvańni jafrejtara.
Aproč raboty na telebačańni, jon viadzie i svoj błoh na jutubie — raniej tam byli filmy pra Bunina, a ciapier Azaronak-małodšy vydaje siabie za psichaanalityka i «vystaŭlaje dyjahnazy» svaim zavočnym apanientam.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary