U kastryčniku samy darahi dom u Biełarusi kupili ŭ zakrytym pasiołku kala Minskaha mora
U novym zakrytym pasiołku kala Minskaha mora kupili katedž za 996 tysiač dalaraŭ. Jon staŭ samym darahim domam, pradadzienym u Biełarusi ŭ kastryčniku. Darečy, u hetym ža samym pasiołku ŭ červieni i lipieni kupili samyja darahija damy Minskaj vobłaści. Realt.by raskazaŭ pra heta miesca i žyllo ŭ im bolš padrabiazna.
Budavać katedžy niedaloka ad plažu № 3 pačali ŭ 2022 hodzie. Placoŭkaj pad kompleks z nazvaj Miruar Spa-Hotel & Villas staŭ učastak, jaki ŭ savieckija hady zajmaŭ restaran «Zasłaŭje».
Niahledziačy na toje što novy pasiołak vyras pobač ź vioskaj Zarečča-1, aficyjna jon naležyć da ahraharadka Ždanovičy.
Uvieś kompleks budzie składacca z 42 viłaŭ płoščaj 290‑650 kvadrataŭ. Jak skazana na sajcie prajektu, u kožnym domie praduhledžanyja basiejn, chamam, saŭna i trenažornaja zała, a taksama prastornaja haścioŭnia z kaminam i niekalki asobnych spalniaŭ z vannymi pakojami i harderobnymi. Taksama na terytoryi budzie ŭnikalny SPA-HOTEL, sałon pryhažości, SPA, trenažornaja zała i kafe-restaran.
Ciapier adna častka (najbližejšaja da vioski) jašče budujecca, a voś prybiarežnaja častka kompleksu, jakaja raźmiaściłasia siarod lesu niedaloka ad plažu Minskaha mora, užo hatovaja. I mienavita tut kupili toj samy dom.
Heta viła 2025 hoda pabudovy płoščaj 504,4 kvadratnaha mietra. Za jaje addali 996 ź liškam tysiač dalaraŭ. Mietr vyjšaŭ pa 1974 dalary.
Vyraście padatak na arendu žytła. A ŭłaśniki vialikich kvater i katedžaŭ buduć płacić padatak u dvajnym i navat trajnym pamiery
Hałoŭnuju architekturnuju ŭznaharodu Biełarusi atrymaŭ prajekt źniščeńnia histaryčnych kazarmaŭ u Hrodnie. Chto jašče adznačany? ŠMAT FOTA
Pad Minskam pabudujuć bolš za 50 katedžaŭ za košt biudžetu
U Drazdach pradajuć dom, jaki pabudavaŭ były premjer Navicki na lhotny kredyt
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary