Navukoŭcy: Chłopčyki i dziaŭčynki majuć adnolkavyja zdolnaści da matematyki
Dziaŭčynki i chłopčyki nie majuć adroźnieńniaŭ u funkcyjach mozhu i matematyčnych zdolnaściach, paviedamlajuć navukoŭcy, jakija vykarystoŭvali vizualizacyju dla analizu raźvićcia mozhu dziaciej.
Daśledavańnie raźviančała raspaŭsiudžany mif pra toje, što žančyny nibyta mienš schilnyja dla pracy ŭ halinach navuki, techniki, inžynieryi i matematyki praź bijałahičny deficyt matematyčnych zdolnaściaŭ.
«My bačym, što mozh dziaciej funkcyjanuje adnolkava, niezaležna ad ich połu, tamu, spadziajusia, my zmožam źmianić čakańni taho, čaho dzieci mohuć dasiahnuć u matematycy», — skazała starejšy aŭtar pracy Džesika Kantłan, prafiesar niejrabijałohii raźvićcia va Univiersitecie Karniehi-Miełana ŭ Pitsburhu.
Kantłan i jaje kamanda vykarystoŭvali funkcyjanalnuju MRT dla acenki mazhavoj aktyŭnaści ŭ 55 dziaŭčynak i 49 chłopčykaŭ, kali dzieci hladzieli navučalnaje videa, jakoje achoplivaje asnoŭnyja matematyčnyja navyki, takija jak padlik i składańnie.
Nie było adroźnieńniaŭ u raźvićci mozhu ŭ dziaŭčynak i chłopčykaŭ, a taksama adroźnieńniaŭ u tym, jak jany apracoŭvali zadańni abo ŭzrovień ich uciahnutaści pry prahladzie videa.
Daśledniki taksama paraŭnali vyniki testu rańnich matematyčnych zdolnaściaŭ — standartyzavanaha testu dla dziaciej ad 3 da 8 hadoŭ, z 97 udzielnikaŭ (50 dziaŭčynak), kab vymierać uzrovień raźvićcia matematyčnych zdolnaściaŭ. Jany vyjavili, što schilnaść da vyvučeńnia i zasvajeńnia matematyki ŭ dziaciej byli adnolkavymi.
Imavierna, asnoŭnuju rolu va ujaŭleńni ab tym, što matematyka nie dla dziaŭčynak, ihraje ŭ asnoŭnym socyum.
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary