Minčuk u mascy i z nažom zładziŭ razbojny napad na kvateru rodnaha brata. A potym zładziŭ jašče i śpiektakl
Zdareńnie adbyłosia na vulicy Kamiennahorskaj: u milicyju źviarnułasia žančyna, jana raspaviała, što nieviadomy zabraŭsia ŭ kvateru, dzie znachodziacca jaje dzieci, pahražaje nažom i patrabuje hrošy. Pra vypadak paviedamlaje pres-słužba MUS.
Vyśvietliłasia, što pakul baćka i maci byli na pracy, 14-hadovy padletak znachodziŭsia adzin doma. Dadomu viartałasia siastra — jon adčyniŭ joj dźviery praz damafon. Pakul dziaŭčynka padymałasia pa leśvicy, mužčyna pranik u kvateru i začyniŭ chłopca ŭ vannym pakoi. Tam ža zamknuŭ i 8-hadovuju dziaŭčynku.
Jon sprabavaŭ samastojna znajści ŭ kvatery hrošy, ale nie zdoleŭ. Tady ŭziaŭ nož, pryvioŭ dziaciej u adzin z pakojaŭ i staŭ pahražać raspravaj, kali jany nie pakažuć, dzie baćki chavajuć svaje źbieražeńni.
Dzieci nazvali niekalki miescaŭ, ale tam hrošaj nie akazałasia. Tady padletak prapanavaŭ patelefanavać mamie i spytać, dzie lažać hrošy. Žančyna skazała, što hrošaj u kvatery niama, i zatym nieadkładna źviarnułasia ŭ milicyju. Nie znajšoŭšy ŭ kvatery kaštoŭnych rečaŭ, mužčyna pakinuŭ pamiaškańnie.
Apieratyŭniki i śledčyja stalicy ŭstalavali asobu fihuranta. Im akazaŭsia 38-hadovy rodny brat haspadara kvatery, raniej da kryminalnaj adkaznaści nie pryciahvaŭsia.
Złačynstva jon spłanavaŭ zahadzia. Kab plamieńniki jaho nie paznali, nadzieŭ masku z prarezami dla vačej, palčatki, źmianiŭ intanacyju i hołas. Jon viedaŭ, što haspadary kvatery niadaŭna atrymali bujnuju sumu hrošaj ad prodažu nieruchomaści.
Pryčym paśla taho, jak haspadar kvatery daviedaŭsia pra zdareńnie, to adrazu patelefanavaŭ rodnamu bratu i paprasiŭ pryjechać. Fihurant pieraapranuŭsia i viarnuŭsia ŭ kvateru, ź jakoj jašče niadaŭna tak paśpiešliva sychodziŭ. Pry hetym jon padtrymlivaŭ brata i supakojvaŭ plamieńnikaŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary