Kali minskaje «Dynama» nie znojdzie novaha ŭłaśnika, to FK «Minsk» moža pačać siezon-2020 u pieršaj lizie
Na hety momant ułaśnik minskaha «Dynama» i «Minska» — Minharvykankam. Kali dynamaŭcy nie znojduć da siezona-2020 novaha ŭłaśnika, to «Minsk» moža stracić miesca ŭ elicie, bo ŭ adnaho ŭładalnika nie moža być bolš za adzin kłub u vyšejšaj lizie. Pra heta «Presbołu» raspavioŭ kiraŭnik Biełaruskaj fiederacyi futboła Uładzimir Bazanaŭ.
Što viadoma z nahody novaha ŭłaśnika minskaha «Dynama»?
«Dynama», jak viadoma, aktyŭna šukaje inviestara, čas jašče jość. Ale kali ničoha nie źmienicca, to «Minsku» daviadziecca syści ŭ pieršuju lihu — jak kamandzie, jakaja zaniała bolš nizkaje miesca», — zajaviŭ Bazanaŭ.
«Presboł» zapytaŭsia, ci mahčyma pytańnie źlićcia «Minska» i «Dynama»?
— Dumaju, što zaraz tak pytańnie nie staić. I, naturalna, fiederacyi nie chaciełasia b padobnaha vyniku. Stracić niejki z hetych kłubaŭ, zrazumieła, niapravilna. Mnie zdajecca, usio budzie narmalna, zaznačyŭ kiraŭnik BFF.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary