U Kazachstanie zadumalisia pra pierajmienavańnie Ałmaty? Ułady abviarhajuć
Jerłan Karyn, daradca prezidenta Kazachstana Kasym-Žamarta Takajeva, abvierhnuŭ infarmacyju pra toje, što ŭłady respubliki padtrymlivajuć ideju pierajmienavańnia Ałmaty ŭ Ałma-Atu. Pra heta jon napisaŭ u svaim Telegram-kanale, pieradaje RBK.
Karyn prakamientavaŭ zajavu piśmieńnika i hramadskaha dziejača Ałžasa Sulejmienava, jaki paviedamiŭ, što abmiarkoŭvaŭ źmienu nazvy Ałmaty na niadaŭniaj sustrečy z Takajevym. Pavodle jaho słoŭ, inicyjatyvu padtrymali kiraŭnik respubliki, a taksama akim (mer) horada Bakytžan Sahintajeŭ. Sulejmienaŭ adznačyŭ, što za viartańnie horadu raniejšaj nazvy — Ałma-Ata — vystupajuć mnohija žychary miehapolisa.
Daradca prezidenta nazvaŭ piśmieńnika «daŭnim prychilnikam» idei pierajmienavańnia Ałmaty. «Adnak toje, što jon zhadaŭ ab hetaj idei na sustrečy z prezidentam, nie aznačaje, što kiraŭnik dziaržavy padtrymlivaje jaje», — napisaŭ jon. Pa słovach Karyna, Takajeŭ ličyć, što hetaje pytańnie pavinna vyrašacca z ulikam mierkavańnia žycharoŭ horada, a nie «kułuarna, u kabinietach».
Jak napisaŭ u svaim Instagram Sahintajeŭ, pytańnie ab pierajmienavańni Ałmaty nie staić na paradku dnia.
Nazva Ałmaty było zamacavana za horadam u Kanstytucyi Kazachstana, pryniataj u studzieni 1993 hoda. Da 1997 hoda horad byŭ stalicaj respubliki, zatym joju stała Astana. U sakaviku 2019 hoda prezident respubliki padpisaŭ ukaz ab pierajmienavańni Astany ŭ Nur-Sułtan.
Kamientary