Vice-kiraŭnik Minska raić pilnamu pasažyru: Frazu «ciahnik dalej nie idzie» nie treba ŭsprymać litaralna
Pilny minčuk Pavieł Misuna praciahvaje zmahańnie z frazaj «ciahnik dalej nie idzie» ŭ mietro. Jon pierakanany, što hetyja słovy ŭvodziać usich u zman: ciahnik ža idzie dalej, u tupik.
Čytajcie. Minčuk paskardziŭsia na mietro: Padmanvajuć, što «ciahnik dalej nie idzie». Ale jon ža idzie, chaj i ŭ tupik!
Misuna ŭžo pisaŭ skarhu ŭ Minski mietrapaliten, a pakolki heta nie pryniesła vyniku, źviarnuŭsia ŭ Minharvykankam. Dniami jon atrymaŭ adkaz za podpisam namieśnika staršyni Minharvykankama Alaksandra Darachoviča.
«Fraza «ciahnik dalej nie idzie», stała ŭstojlivym abarotam. Jana pravilna ŭsprymajecca praktyčna ŭsimi pasažyrami … Hetaja fraza ŭ takim ža kantekście hučyć u mietrapalitenach krain SND i blizkaha zamiežža, daŭno stała daninaj dobraj tradycyi. Mienavita tamu jana ŭžyvajecca z momantu pusku Minskaha mietrapalitena i nie straciła svaju aktualnaść. Takija zvaroty vyznačajuć samabytnaść Minskaha mietrapalitena», — havorycca ŭ jaho adkazie.
«Fraza «ciahnik dalej nie idzie» niaźmienna pryciahvaje ŭvahu pasažyraŭ, jany apieratyŭna i svoječasova vychodziać z vahonaŭ paśla jaje abjavy. Źmianieńnie frazy moža admoŭna paŭpłyvać na jaje ŭsprymańnie, u pieršuju čarhu, pasažyrami stałaha ŭzrostu i vyklikać peŭnaje nierazumieńnie ź ich boku, jak siabie pravilna pavodzić pry abjaŭleńni ŭ ciahniku infarmacyi ŭ novym vyhladzie», — praciahvaje Alaksandr Darachovič.
«Frazu «ciahnik dalej nie idzie» nie treba ŭsprymać litaralna i ŭ hetym vypadku naležyć razumieć jak «ciahnik dalej nie idzie z pasažyrami». Štodzionnaja praktyka na praciahu dziesiacihodździaŭ pakazvaje efiektyŭnaść hetaj traktoŭki tranślacyi», — padsumoŭvaje čynoŭnik.
«Na maju dumku, možna ličyć, što Minharvykankam faktyčna paćvierdziŭ uśviadomlenaje vykarystańnie pamyłkovaj ciapierašniaj frazy «ciahnik dalej nie idzie»», — pierakanany zajaŭnik Pavieł Misuna.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»24
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary