Dźmitryj Paŭličenka vystupiŭ z aficyjnaj zajavaj nakont abvinavačvańniaŭ u zabojstvach palitykaŭ
Na sajcie asacyjacyi vieteranaŭ śpiecnazu «Honar» źjaviłasia zajava staršyni asacyjacyi Dźmitryja Paŭličenki nakont śviedčańniaŭ Juryja Haraŭskaha, jaki ŭ intervju DW raspavioŭ pra datyčnaść da vykradańnia viadomych ludziej u 1999 hodzie.
Paŭličenka zaznačaje, što niesumlennyja ŚMI i pryvatnyja asoby sprabujuć zhańbić jaho i śpiecnaz u cełym, raspaŭsiudžvajučy takija zajavy.
«Haraŭski prachodziŭ słužbu ŭ adnym z padraździaleńniaŭ bryhady apieratyŭnaha pryznačeńnia ŭ 1990-ch, i ŭ kancy 1999 hoda ździejśniŭ kryminalnaje złačynstva, byŭ sudzimy, adbyvaŭ termin u SIZA №1», — zaznačaje Paŭličenka i dadaje, što Haraŭski byŭ zvolnieny za dyskredytacyju vysokaha zvańnia śpiecnazaŭca.
Jon zaznačaje, što ad imia asacyjacyi «Honar» Haraŭskamu niekalki hadoŭ akazvałasia materyjalnaja dapamoha. «Ja prajaviŭ spahadu da hetaha chvoraha čałavieka, jaki zahnaŭ siabie ŭ kut», — padkreślivaje były śpiecnazaviec.
«I zaraz prašu vas prajavić ciarplivaść da chvoraha dušoj i ciełam Haraŭskaha. Nikomu bolš za siabie jon hetymi vydumanymi «pakazańniami» nie naškodzić. Čas pakaža i rassudzić», — padkreślivaje Dźmitryj Paŭličenka.
Jon prosić dy papiaredžvaje ludziej, jakija nie majuć da śpiecnazu i vieteranskaj arhanizacyi nijakaha dačynieńnia, nie rabić nijakich zajavaŭ, nie sklikać kanfierencyj i inšych zboryščaŭ, a taksama nie rabić nijakich ukidaŭ u ŚMI.
Były śpiecnazaviec: Ja ŭdzielničaŭ u zabojstvie Zacharanki i Hančara
Paŭličenka vielmi dziŭna prakamientavaŭ abvinačvańni ŭ datyčnaści da zabojstva Zacharanki i Hančara. Pa-roznamu roznym ŚMI
Juryj Haraŭski adkazaŭ na abvinavačvańni ad Paŭličenki ŭ chłuśni
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary