Afiša1111

U Vilni idzie maštabnaja vystava pra Radziviłaŭ

Mikałaj Kryštaf Radzivił Sirotka. Minijaciurny partret kanca XVI — pačatku XVII st. u znakamitym daśpiechu sa stužkaj ordena Truny Haspodniaj Ijerusalimskaj. Fota valdovurumai.lt

Naŭrad ci histaryčnaja spadčyna jakoj-niebudź inšaj arystakratyčnaj siamji ŭvasablaje ŭ siabie historyju cełaj dziaržavy ŭ toj miery, jak dla Vialikaha Kniastva Litoŭskaha takoj źjaŭlajecca minuŭščyna Radziviłaŭ. Upeŭnicca ŭ hetym možna ŭ Pałacy vialikich kniazioŭ litoŭskich u Vilni na vystavie «Radziviły: historyja i spadčyna kniazioŭ».

Bolš za 400 hadoŭ tamu biełaruski Niaśviž pačaŭ pieraŭtvaracca ŭ idealny horad, jak toje ŭjaŭlali elity toj epochi. Dušoju hetaha maštabnaha prajektu byŭ pieršy niaśvižski ardynat kniaź Mikałaj Kryštaf Radzivił Sirotka. Mienavita jamu naležyć i ideja stvareńnia vakoł Niaśvižskaha zamka miemaryjalnaha centra siamji. Taki svojeasablivy «muziej» rodu, jaki na praciahu stahodździaŭ byŭ samym ciesnym čynam źnitavany ź dziaržaŭnymi padziejami VKŁ. Vialikaja biblijateka, siamiejny archiŭ i značnaja častka dziaržaŭnych aktaŭ VKŁ, asabistyja papiery i artefakty pradstaŭnikoŭ rodu, partretnaja halereja, arsienał z unikalnymi harmatami, numizmatyčny kabiniet, vydatnaja kalekcyja mastactva…

Partret maładoha Januša Radziviła padčas jaho navučańnia ŭ Hałandyi. David Bai, Lejden, 1632 h. Fota valdovurumai.lt

Na žal, padziei kanca XVIII — pieršaj pałovy XX st. nie paškadavali hetych zboraŭ, jakija apynulisia ŭ roznych kutkach śvietu. Ale chto nie maryŭ kaliści znoŭ ubačyć ich razam u adnym miescy? Ci chacia b častku ich? Dziakujučy čynnaści Nacyjanalnaha muzieja Pałaca vialikich kniazioŭ litoŭskich i asabista kniazia Macieja Radziviła my ciapier majem takuju sapraŭdy ŭnikalnuju mahčymaść!

Arnamientavany posach pilihryma Mikałaja Kryštafa Radziviła. Italija, 1582 h. Fota valdovurumai.lt

Niezdarma ŭ centry vystavy postać Mikałaja Kryštafa Radziviła Sirotki i ekspanaty, źviazany ź jaho znakamitaj pilihrymkaj na Śviatuju ziamlu. Ale ŭsiaho i nie pieraličyć. Aryhinały pryvilejaŭ impierataraŭ Śviatoj Rymskaj impieryi ab nadańni kniaskaha tytułu niekalkim halinam rodu, ceły pakoj aryhinalnych partretaŭ «u vianku», što reprezientujuć hienieałohiju siamji na praciahu stahodździaŭ, vydatnyja tvory mastactva, jakija paŭstavali pa inicyjatyvie roznych pakaleńniaŭ Radziviłaŭ, zbroja, posud, miedali, knihi, abrazy, habieleny, hraviury… Navat pachavalny sarkafah. Navat teleskop, jaki padaravaŭ kniaź Michał Kazimir Radzivił Rybańka Vilenskamu ŭniviersitetu ŭ 1753 h. Sotni vydatnych rečaŭ, jakija achoplivajuć historyju Radziviłaŭ z XVI da pačatku XIX st.: uźloty i padzieńni, navuka i padarožžy, słava i śmierć samych roznych pradstaŭnikoŭ rodu.

Hieahrafija ŭdzielnikaŭ vystavy — ad Litvy i Ukrainy da Francyi i Izraila. Siarod ich i dziaržaŭnyja instytucyi, i pryvatnyja zbory, u tym liku i z asabistaj kalekcyi kniazia Macieja Radziviła. Našu krainu na vystavie pradstaŭlajuć ekspanaty z Nacyjanalnaha mastackaha muzieja i Nacyjanalnaha histaryčnaha muzieja Respubliki Biełaruś.

Naviedać vystavu, pryśviečanuju znakamitamu rodu, jaki staŭ važnaj častkaj minułaha dla narodaŭ Litvy, Biełarusi, Polščy i Ukrainy, možna jašče paśpieć padčas kaladaŭ da 12 studzienia ŭ Pałacy vialikich kniazioŭ litoŭskich u Vilni. Kaštuje ŭvachodny kvitok 4 jeŭra (2 jeŭra dla školnikaŭ, studentaŭ i piensijanieraŭ).

Hramata Fierdynanda I Habsburha ab paćviardžeńni nadańnia Mikałaju Radziviłu Čornamu i Mikałaju Radziviłu Rudamu tytułaŭ kniazioŭ Śviatoj Rymskaj impieryi. 1547 h. Fota valdovurumai.lt

Kamientary11

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu4

«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu

Usie naviny →
Usie naviny

Pamior sacyjołah Mikoła Kacuk2

«Ja ledź paznała Siarhieja». Cichanoŭskaja raskazała, jak źmianiŭsia muž za hady ŭ turmie, i adkazała krytykam jahonych emocyj12

«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie146

Pa čatach biełaruskich dyjaspar raskidajuć fejkavyja anonsy akcyi Śviatłany i Siarhieja Cichanoŭskich u Varšavie10

Siarhiej Cichanoŭski: Ja — pieršy džentlmien Biełarusi56

Tramp: Situacyja va Ukrainie vyjšła z-pad kantrolu7

Prezident Irana nie pryjedzie ŭ Minsk2

«Ekstremisckaj» pryznali staronku va «Ukantakcie» radykalna praŭładnaj bresckaj piceryi3

«Hojda» za 700 rubloŭ. «Kašalok Łukašenki» druhi hod zapar pryvozić u Biełaruś Z-artystaŭ6

bolš čytanych navin
bolš łajkanych navin

«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu4

«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu

Hałoŭnaje
Usie naviny →

Zaŭvaha:

 

 

 

 

Zakryć Paviedamić