Pasolstva Ukrainy ŭ Iranie źmianiła svajo paviedamleńnie pra krušeńnie samalota «Mižnarodnych avijalinij Ukrainy» ŭ Tehieranie na svaim sajcie i ŭ Facebook.
Źmieny zakranuli tuju častku paviedamleńnia, u jakoj havaryłasia pra mahčymyja pryčyny avaryi. U pieršapačatkovaj viersii kazałasia, što terakt jak viersija vyklučajecca, krušeńnie samalota adbyłosia pa techničnych pryčynach.
U novaj redakcyi zajavy pasolstva abjaviła, što pryčyny zdareńnia rasśleduje śpiecyjalnaja kamisija, a ŭsie viersii katastrofy, ahučanyja inšymi krynicami, varta rasceńvać jak nieaficyjnyja.
Raniej stała viadoma, što prezident Ukrainy Uładzimir Zialenski daručyŭ pravieryć usie samaloty hramadzianskaj avijacyi krainy paśla katastrofy ŭ Iranie, a taksama zahadaŭ Hienprakuratury raspačać kryminalnuju spravu pa hetym fakcie.
Ukrainski Boeing 737 paciarpieŭ krušeńnie ŭ rajonie aeraporta iranskaha Tehierana adrazu paśla vyletu ranicaj u sieradu, 8 studzienia. Pa ŭdakładnienych źviestkach, na borcie znachodziłasia 11 hramadzian Ukrainy, u tym liku ŭsie dzieviać členaŭ ekipaža.
Kamientary