Milicyjant padrablaŭ administracyjnyja spravy. Jaho zvolnili ź milicyi i asudzili
U sudzie Žodzina skončyŭsia praces nad byłym učastkovym z Barysava Jaŭhienam Sałoščankam, jakoha letaś zvolnili ź milicyi za słužbovyja parušeńni. Ciapier sud pryznaŭ byłoha lejtenanta milicyi vinavatym u złoŭžyvańni ŭładaj i słužbovymi paŭnamoctvami dy asudziŭ na 3 hady źniavoleńnia z adterminoŭkaj 2 hady, piša Radyjo Svaboda.
Taksama byłomu milicyjantu prysudžany štraf u 300 bazavych vieličyń (7 650 rubloŭ). Na 5 hod jamu zabaroniena zajmać adkaznyja pasady. Jaŭhien Sałoščanka vinu pryznaŭ całkam i paśla sudu skazaŭ, što abskardžvać prysud nie budzie.
Jaŭhien Sałoščanka słužyŭ učastkovym na 14-m administracyjnym učastku Barysava — heta kala centra horada, dzie časta zdarajucca samyja roznyja pravaparušeńji. U kryminalnaj spravie, jakaja letaś była raspačataja suprać jaho, fihuruje kala 20 administracyjnych spraŭ, zaviedzienych na barysaŭčan, jakija pražyvajuć na ŭčastku. Ciaham 2018—2019 hadoŭ, pavodle abvinavačańnia, «u karyślivych metach i ź inšaj zacikaŭlenaści» były ŭčastkovy padrablaŭ materyjały spraŭ, unosiŭ u ich fiktyŭnyja źviestki i na hetaj padstavie prymaŭ niezakonnyja rašeńni adnosna losu hramadzian. «Što mieła vynikam naniasieńnie istotnaj škody pravam i zakonnym intaresam hramadzian i dziaržaŭnym intaresam», — adznačyŭ sud Žodzina.
Na abviaščeńnie prysudu byłomu ŭčastkovamu pryjšli niekalki jahonych byłych kalehaŭ na čale z majoram milicyi. Pahavaryć ź imi žurnalistu nie ŭdałosia.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary