Ministr antymanapolnaha rehulavańnia i handlu Uładzimir Kałtovič na svajoj staroncy ŭ fejsbuku padzialiŭsia zdymkam z synam Ivanam, jaki niadaŭna demabilizavaŭsia z vojska. «My z synam sumlenna słužym Radzimie, bo lubim», — napisaŭ Kałtovič.
Pry hetym ministr na zdymku ŭ formie majora, a syn — šarahoŭca. Syn Uładzimira Kałtoviča Ivan pajšoŭ słužyć u mai 2018 hoda (słužyŭ paŭtara hoda, bo nie maje vyšejšaj adukacyi), u śniežni letaś viarnuŭsia dadomu.
Da vojska Ivan Kałtovič paŭtara hoda pravučyŭsia ŭ Akademii mastactvaŭ, ale zabraŭ adtul dakumienty. Paśla heta, jak kazaŭ baćka, «sumlenna pierabiraŭ bulbu na rynku».
Taksama ad imia ministra abarony Andreja Raŭkova była padziaka žoncy Uładzimira Kałtoviča za dobraje vychavańnie syna. «Za čas słužby jon zarekamiendavaŭ siabie piśmiennym, dyscyplinavanym, spraŭnym i adkaznym vajskoŭcam. U hetym vialikaja vašaja zasłuha», — havorycca ŭ padziacy Raŭkova.
Kamientary