Novym lidaram terarystyčnaj arhanizacyi «Isłamskaja dziaržava» staŭ adzin ź jaje zasnavalnikaŭ i ideołah Amir Muchamied Said Abdel Rachman al-Maule. Pra heta paviedamiła hazieta The Guardian sa spasyłkaj na krynicy ŭ vyviedcy, piša interfax.ru.
Imia lidara abviaścili nieŭzabavie paśla likvidacyi papiaredniaha lidara ID, Abu Bakr al-Bahdadzi, u kastryčniku. Raniej terarysty ahučvali imia Abu Ibrahima al-Chašymi al-Kurejšy, ale heta, pa słovach haziety, tolki vajskovy psieŭdanim, jaki ničoha nie kaža ni śpiecsłužbam, ni pradstaŭnikam ID.
Pavodle Dziarždepa, Amir Muchamied Said — uradženiec Iraka, prapaviednik i adzin z namieśnikaŭ al-Bahdadzi. Jany znajomyja z 2004 hoda, kali byli źniavolenymi ŭ amierykanskim łahiery ŭ Iraku. Pavodle The Guardian, Amir Abdel Rachman ciapier sprabuje abjadnać kiraŭnictva hrupoŭki, što ŭ asnoŭnym składajecca z tych, chto dałučyŭsia na paźniejšych etapach isnavańnia arhanizacyi. U toj ža čas jon maje suviazi ŭ Turcyi, dzie jaho brat źjaŭlajecca pradstaŭnikom palityčnaha ruchu «Front irakskich turkmienaŭ».
Pavodle ekśpiertaŭ, novy lidar moža chavacca ŭ vakolicach irackaha Masuła, dzie vyvučaŭ šaryjackaje prava.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary