Pieršy vice-prezident Nacyjanalnaha alimpijskaha kamiteta Biełarusi Viktar Łukašenka sustreŭsia z prezidentam Mižnarodnaha alimpijskaha kamiteta Tomasam Bacham, paviedamili BiełTA ŭ pres-słužbie NAK Biełarusi.
Padčas pieramovaŭ Viktar Łukašenka adznačyŭ rolu Mižnarodnaha alimpijskaha kamiteta (MAK) u padtrymcy suśvietnaha sportu. Abodva kiraŭniki ŭžo sustrakalisia raniej na mierapryjemstvach II Jeŭrapiejskich hulniaŭ u Minsku, na palach 48-j Hienieralnaj asamblei Jeŭrapiejskich alimpijskich kamitetaŭ u Polščy i vykazali hatoŭnaść da pašyreńnia ŭzajemadziejańnia.
«Na sustrečy ŭ Varšavie my abmiarkoŭvali z vami pierśpiektyvy pašyreńnia supracoŭnictva ŭ sporcie vyšejšych dasiahnieńniaŭ. Paśla kansultacyj sa spartyŭnaj hramadskaściu ŭ Biełarusi zaŭvažu, što my hatovyja razhladać mahčymaść arhanizacyi lubych mierapryjemstvaŭ pad ehidaj MAK», — skazaŭ pieršy vice-prezident NAK Biełarusi.
Tomas Bach adznačyŭ, što znoŭ rady bačyć biełaruskuju delehacyju i źviarnuŭ uvahu na simvaličnaje miesca praviadzieńnia sustrečy: kabiniet u budynku MAK, jaki nosić imia Chuana Antonia Samaranča, adnaho z vybitnych prezidentaŭ arhanizacyi z 1980 pa 2001 hod.
«Biełaruś šmat uvahi nadaje sportu, — skazaŭ Tomas Bach. — Vy praviali ŭ minułym hodzie adzin z samych maštabnych spartyŭnych forumaŭ — II Jeŭrapiejskija hulni. Asabista prysutničaŭ na niekatorych spartyŭnych mierapryjemstvach i ŭračystaj cyrymonii zakryćcia. Biełaruski bok bliskuča spraviŭsia z praviadzieńniem hulniaŭ. Upeŭnieny, i III zimovyja junackija Alimpijskija hulni, što prachodziać u Łazanie, padorać junym biełarusam šmat stanoŭčych emocyj».
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary