MZS Biełarusi nie atrymlivała aficyjnaha paviedamleńnia amierykanskaha boku ab rašeńni ŭnieści Biełaruś u śpis krain, hramadzianam jakich abmiežavany ŭjezd u Złučanyja Štaty. Pra heta TUT.BY raspavioŭ namieśnik načalnika ŭpraŭleńnia infarmacyi MZS Andrej Šuplak.
Napiaredadni ŭ intervju Wall Street Journal Tramp paćvierdziŭ, što płanuje dadać dadatkovyja krainy ŭ śpis tych, jakim zabaronieny ŭjezd u ZŠA, ale nie paviedamiŭ, jakija mienavita krainy buduć dadadzienyja ŭ abnoŭlenuju viersiju.
Amierykanskaje vydańnie Politico sa spasyłkaj na krynicy paviedamiła, što śpis krain jašče nie kančatkovy i moža być źmienieny, ale pakul siarod pretendentaŭ — Biełaruś, Mjanma, Erytreja, Kyrhyzstan, Nihieryja, Sudan i Tanzanija.
Biełaruskaje MZS infarmacyju amierykanskich ŚMI nie kamientuje.
— MZS nijakaha aficyjnaha paviedamleńnia ad amierykanskaha boku nie atrymlivała. Kamientavać paviedamleńnie ŚMI nie budziem, - raspavioŭ namieśnik načalnika ŭpraŭleńnia infarmacyi MZS Andrej Šuplak.
U pasolstvie ZŠA ŭ Minsku TUT.BY hetak ža admovilisia kamientavać infarmacyju amierykanskich ŚMI.
Krynica CNN paviedamiła, što administracyja Trampa aryjentavana na imihracyjnyja vizy. Kali heta tak, to turystyčnyja vizy i vizy dla dziełavych pajezdak zastanucca dastupnymi dla biełarusaŭ.
Administracyja Trampa moža abmiežavać hramadzianam Biełarusi ujezd u ZŠA
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary