Chirurhičnyja maski ŭpieršyniu źjavilisia ŭ kancy XVIII stahodździa. A šyroka ich stali ŭžyvać padčas pandemii ispanskaha hrypu ŭ 1919 hodzie. Tady chvaroba zabrała bolš za 50 miljonaŭ žyćciaŭ.
Doktar Devid Kerynhtan z Łondanskaha univiersiteta patłumačyŭ bbc.com, što «zvyčajnyja chirurhičnyja maski nie abaraniajuć ad virusaŭ abo bakteryj, jakija vy pieranosicie pavietram», a mienavita takim šlacham «pieradajucca bolšaść virusaŭ». Maski zanadta volna fiksujuć na tvary, jany nie majuć pavietranaha filtra i pakidajuć nieabaronienymi vočy.
Ale jany źnižajuć ryzyku zaražeńnia virusam praz čchańnie ci kašal i abaraniajuć ad infiekcyi, jakaja pieradajecca praz brudnyja ruki ŭ rot.
A ludzi zvyčajna kranajucca tvaru kala 23 razoŭ u hadzinu.
Džonatan Bal, prafiesar malekularnaj virusałohii z Natynhiemskaha ŭniviersiteta, skazaŭ: «U balnicy maska praduchilaje zaražeńnie hrypam. Jana dziejničaje jak reśpiratar».
«Adnak jaje efiektyŭnaść u štodzionnym pobycie — mienš pierakanaŭčaja. Davoli składana nasić masku na praciahu doŭhaha pieryjadu času», — dadaŭ prafiesar Bal.
Doktar Konar Bemford ź Instytuta ekśpierymientalnaj miedycyny Karaleŭskaha univiersiteta ŭ Biełfaście skazaŭ, što trymacca prostych mier hihijeny našmat bolš efiektyŭna.
«Zachinajcie rot padčas čchańnia, myjcie ruki, nie kranajciesia brudnymi rukami tvaru. Heta źnizić ryzyku zaražeńnia lubym reśpiratornym virusam», - skazaŭ jon.
Kab paźbiehnuć zaražeńnia navukoŭcy rajać:
- rehularna myć ruki ciopłaj vadoj z myłam;
- nie kranacca vačej i nosa;
- vieści zdarovy ład žyćcia.
Maski treba pravilna nasić, časta mianiać i biaśpiečna utylizavać. Tady budzie efiekt.
Tamu, pa słovach doktara Daninha, lepš zasiarodzicca na asabistaj hihijenie.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary